لويــــش و عليـــش بخير ..

لويــــش و عليـــش بخير..بقلم د. فاضــل الزعبي…

ماشي كل عام وانتم بخير....عـــــــام جديد ....أهلا 2014!!!!!!
افهم من هيك انه يوم ألثّـُلاَثَاء اخر يوم في سنه 2013 ... غير عن ألأربعاء اول يوم في السنه الجديد 2014...
ألثّـُلاَثَاء يوم من أيام الأسبوع، وكان اسمه جُبَـــار في الجاهلية......
ألأربعاء اقدس ايام الاسبوع عند اتباع اليزيديه .....هاي كل الفرق في الويكيبيديا.....

بس عــنّا غير......

يعني ألثّـُلاَثَاء (جبـــار) فقر و جوع و بطاله و ألأربعاء (أليزيدي) غنى و شبع و اكتفاء و فرص عمل للجميع....
و كمان طارت الواسطات و ألأربعاء (أليزيدي) تعيين على الكفاءات...

شغب الجامعات و انتهى ألثّـُلاَثَاء و ألأربعاء حل الهدوء على جامعاتنا و اصبحت منارة للعلم و الثقافه و الفنون...مش فنون القتال و الكراتيه و الشبريات...
واحد حامل سيف و نازل عالشارع يطعن الناس و واحد ثاني رفع سيف على مشرف توجيهي ...كان لغاية ألثّـُلاَثَاء و مع ألأربعاء الكل حامل باقات ورد...
و كمان ما في ملثمين يهجموا و يطخطخوا على المطاعم بعد ألأربعاء.....

مع ألأربعاء وجوهنا حميت و ما عادت بارده و مسقعه و سمجه...
و ما رح و لا صحفي او اعلامي يطلبوه الشاويش...
و ما في اضراب فوسفات ولا موانئ و لا جمارك و لا بيض و لا يمتد من الحسا الى العقبه...
مع ألثّـُلاَثَاء كانت اخر حالة غش في التوجيهي. حتى الحاله اللي صارت يوم ألأربعاء كانت من طالب وافد مش منا...

مع ألأربعاء ما في و لا حالة اجهاض و لا حالة موت رضيع و لا حالة موت من القهرفي القريه... اي صار عنا 62 وفاة باليوم مقابل 488 ولاده..اي و الله رح نصير قد الصين...
و ما في اي حامل تولد بساحة المستشفى بس يمكن في الكراج.....
و ما في اي حدا رح يضرب طبيب و لا ممرض و لا يكسر مستشفى.....
مع ألأربعاء ... احنا اقل دوله في العالم عندها ايدز بس 800 حاله..ابن عمنا ابو داود 7500 و العالم 200 مليون.. يعني احنا ولا ايشي.. هاذا بفضل الاخلاق الحميده و الحرص والرعايه الطبيه و يمكن الشفافيه بالارقام.. الله اعلم..

مع ألأربعاء ما في اي خساره النا بفطبول و لا سله و لا حتى طرنيب او تركس صرنا عارفين انو احنا فايزيين بس المدرب خسرنا و هيك لازم النتائج تحسب عالمدرب و ما يقولو انو خسرنا... خلص المدرب الفلاني هو اللي خسر. حتى نقولوه \\\\\\\\\\\\\\\"لو تترك الرياضة و تكسب رضا الحجة بيكون احسن \\\\\\\\\\\\\\\".زم وعيتك و روح اكسب رضا الحجه حسب عمنا ابو سواليف...

مع ألأربعاء رح نصدر كهربه و نووي للجيران و بجوز ميه كمان ...
و انتهت قصة التوطين .. اللي ما بعرف لمين و لشو ...
مع ألأربعاء ما في حدا من شلة المختار رح يقبل بيت بلندن من دول البترول كهديه او عربون صداقه او مكافأه بس اكيد مش رشوه و العياذ بالله....
مع ألثّـُلاَثَاء اطلق سراح اسيرنا و ظحك مع عمنا ابو السواليف ظحكه قهرت المحتل و المختل. و الله انا عرفت المختل بس ما عرفت المحتل....

مقالاتي اللي انا بفكر دمها خفيف كانت اخرها ألثّـُلاَثَاء (جبـــار) و من ألأربعاء (أليزيدي) ما رح نشوف خفة دم في اي مقاله....