اسمعي ياحكومة

اسمعي ياحكومة ........ خبر قراناه بقول الجهات الامنية افرجت عن شبان من جنسية عربيه ، غداة توقيفهم على خلفية مشاركتهم بمشاجرة وهم في حالة سكر شديدة، مع مواطنين اردنيين، في شارع الجامعة الاردنية بالعاصمة عمان، فيما رفضت الافراج عن الشبان الاردنيين.

شبان من جنسية عربية ، قد وجهوا شتائم بحق مواطنين اردنيين، كما شتموا الاردن ووصفوا الشعب الاردني بالشحاذين ... وميه نقطه والف سؤال ؟؟؟؟؟؟؟؟؟وان احد السفراء تدخل للافراج عن رعاياه ، فيما تم منع الاردنيين من الاتصال باهاليهم أو الحصول على العلاج أو حتى الحصول على تقارير طبية ليودعوا في مركز الامن ، بينما كانت الحفاوة بادية في استقبال الاشقاء (و محاولة ترضيتهم بشتى السبل و الطرق.
وخبر اخر.. مفاده ان نشطاء اردنيون مؤيدولنظام عربي قاموا بالاحتفال امام السفارة في عمان بمناسبة.... وقاموا برفع احد السفراء على الاكتاف
وكان السؤال هل فعلا اصبحنا ننعت بالمتسولين والشحادين لاسمح الله.
انا بشك مثلك ياحكومة بانا شحادين والله عيب هالحكي مش هيك ... بالرغم من اطلاله الصيف علينا والامور بدات تتكشف شوي شوي وبدا صيف الحكومة بسرعة وعلى غير عادته وصارت حدودنا مفتوحة ومشرعه للرايح والجاي لافيز ولا تاشيره بس حالات نسانيه وضيوف وزوار والالخمسة ملايين قلبوا لعشرة والحبل عالجرار ....... ورجعت ازمه مياه الشرب اسخم من الاول ما احنا بلد على راس قائمه العطاشى . وصارت المي تنباع بالقناني وازمه الغازبتروح وبتيجي و عاد النفط من جديد يرتفع سعره والذهب ولع بس اللي معه ذهب باعه تايصرف عاولاده والدولار بالعالي , والمواد الغذائية والفواكه والحلويات والسكر والشاي والسردين والرز والحليب كل شي ولع وصار بالعالي و رجع كل شئ مثل ماكان... والمؤسسة بسعر الدكان وسوق االخضرا ماعاد مثل زمان ازمة والواحد مش ملاقي يحط رجله.... والرادار وكاميرات ودوريات ومخالفات اشي للامانه واشي للدوريات واشي للبلديات بحاصصوا مع شفير غلبان وضرايب بكل مسمى وغلا
الخضرة والفواكه بتخرب بمحلها وماحد بشيلها واللحمة كل يوم بسعر والناس بشتروا بالدين لابهم مرض ولا سل ولا انفلونزا خنازير ولا طيور والعيشه صارت مرة والحنظل صار احلى طعمه منها كثير دخيلك يادنيا
واولادنا اللي رجعوا من علمهم ومن غربه طالت ومعاناه ضبو شناطيهم وبدهم يرحلوا من البلد راح زمن اللي بنقول نرفض نحنا نموت قولون رح نبقى وقاعدين بهربوا ومعهم الاحلام والطموح والامال والاحزان للغربه وقلوبنا معهم وكيف بدنا نعيش
بلدنا سكرت ابواب الرزق بوجهنا وبوجه اولادنا اللي رجعولها بعد غياب بشهادات وامال واحلام وتحولو لصفوف البطالة وصاروا بوقفوا بالطوابير على باب ديوان الخدمة وبالاخر كش بره ودبر راسك واللي ماله واسطه الله مع دواليبه وصار الواحد منا عصبيته فوق فوق لابتحمل ابنه ولاجاره ولاصديقه والواحد منا صار لما بعتذر لشخص بالطريق بتصير خروق ولما بتحاول تاخد حقك فانت واحد شراني، ولما ما بعرف لوين رح اوصل لبكرا لوين وعيني مو نايمة ولا قلبي لما بتروح المحبة , الاحساس ينسرق وبيصير العالم غربة والناس طايرة لما عيشتك ببلدك صارت اصعب من الهم نفسه........... ولما جامعة برا بتقول لابنك اهلا وسهلا انا جايي وتارك اهلي ابوي وامي واخوي والبيت والحاكورة والجيران وجاي بعد ماسكرت جامعاتنا بوجهي وصارت الرسوم ضرب من المحال والكبار مستثنيين مكارم وهبات ودعم والفقير اله الله وكرت المؤن بلكي بلاقي صدر احن وماراح يلاقي بلكي جهنم اللي رايحلها تكون احن عليه
وصار وقت اللي عامل حاله مؤمن بيكفرك ويتهمك انك منحرف لانك بتشوف التلفزيون و المعارض بيقلك انك خاين و الموالي بيقلك انك مش منتمي و اصحابك بينقسموا شي بيروح تحت الارض وشي بيروح بالسرطان وشي بيروح بلعبة المخدرات والحبوب اللي توزعت بالشمال والجنوب وعمرنا ماكنا نعرفها واشي صار عبد للمال وناس ما بتنحسد على الحال .
صرنا ببلدنا غرباء وصار الضيف بطلع له يقول عنا شحادين ويعتدي عالشرطي وعالمواطن
ويدوس عالقانون ويتمرد ويوخذ البيت والمهنه وويبيعنا السموم وصرنا نتاجر بالسم ونشتري خبز من الفرن وماعاد عندنا قمح ولاطحين وولادنا صارو يشتهو رغيف ساخن وكاس حليب تازه وحبة زيتون والببور ماعاد فيه كاز تاصوته يغطي على هوشاتنا وصراخنا ولما نطفيه نتشاهد ونسينا كلمة شمبر اللوكس والنكاشة وكبريت ثبلث نجوم ونسينا البيل اللي بضوي لنا الطرقات بالليل بعد السهرة وسراج وبنوره 4ياسين ونسينا الضحك ونسينا الجوفية وحذر بذر وكمستير ونسيت الصبايا اني اه اني من يجديه سافر سا سافر عالبحرية ونسيت مسيكم بالخير ياعمار العماري ونسينا ونسينا كثير الجوع كافر والعطش كافر والحاجة كافرة وماعاد في مونه ولافزعة ولاعونه ماعاد يقول لك جارك تفضل ياجار ولا الصديق وين صار لي يوم ماشفتك ومامريت عالدار صرنا نسمع بالعسكر والحرامية وصارت فاتورة المي والكهربا شحده والوظيفة شحدة والاكل شحدة والعلاج شحدة وكثرت الحرامية وانتشر الظلم والجرايم والسرقات ليش يابلدنا ليش ياناسنا ليش صرنا نشحد ونستجدي الخبزة والوظيفة والدوا والتوصيله وحكومتنا بتطلع فينا وبتقول شو بدكم احسن من هالعيشة انتم كافرين وجاحدين بالنعمة يارب وين هي النعمة اكيد قلت من لايشكر لاستاهل النعمة بس وحياتك ماشفناها حتى نكفر فيها وانت اعلم ذكرتوني باللي قال شحادين يا بلدنا ... قالوا عنا شحادين نشالين بطلع لهم
صابرين وساكتين عطشانين جوعانين... و ما عندنا رز ولا طحين طفرانين.... و بالحسرة صدورنا مليانين مشان حالات وظروف انسانيه ومهاجرين وانصار وجيران وحقوق مشان كرم وشهامه ونخوه عربية وماحد شايلها من محلها محتارين...ليش منشكي محتارين أراضينا للبيع للأغراب ..
جرايدنا وبعضنا مبيوع للسفارات .. ضمايرنا للبيع .. على أونا .. على دوّي .. مين بدو يشتري مين نحن يا أهل المروة*وزرا و نواب للبيع ..مدرا ء و حجاب للبيع .. شعرا و كتاب ..نعمم احنا شحادين لانه اللقمه اللي بثمنا طعميناها لقصيرنا وبتنا واولادنا عطشانين وجيعانين مابعرف كيف والحالة من سئ لاسوا ,وحكومتنا مطنشة وعامله حالها مش عارفة ولا سامعه وانحصر همها بالتغيير وبالتعديل والاستقبال والتوديع وتوزيع لحمة الضحية قبل مايفلو الوظائف على مستحقيها والمكافات على اللي طبلو زمروا وبكره بتيجي حكومة بتلعن اللي قبلها وبتقول اللي قبلي واولادنا بكونو طلعوا وصرنا عالحديدة وبدور الكرسي وبتروح الحكومة وتيجي حكومة والهم بعده الهم يا هل ترى بنشوف يوم جديد وبنفرح احفادنا؟؟ وببطلوا يقولوا عنا شحادين وبنعرف قيمتنا ولا بنحمل سفيولا بنرطل اجقم وبنرفع جواز سفرنا وبنقول انا الاردني وبنظل كبار وراس مالنا كرامتنا مهما حاولوا يذلونا ويجوعونا ويعطشونا ويسرقونا بنظل اردنيين والكل يعرف مين الاردني اللي تربى بمدسه الهاشميين والاكل والشرب اخر مايفكر به!