ابو خليل لام خليل: اليهود مبخلوش كيميا حوليهم

الدكتور: رشيد عبّاس - ابو خليل ..ابو خليل...ابو خليل اكعد يزلمة شوف شو صاير بيروت, شو صاير يامرا, بكولوا انفجار جبير عشط بيروت, كيف ..كيف يم خليل, بكولوا انفجار جبير عشط بيروت, اعطيني اعطيني هل خلوي خليني اشوف شو صاير, الله اجبر الله اجبر شو هاظ (اف ...اف...اف), اسمعي يم خليل شو بكول المذيع:
المذيع: (وقع انفجار كبير جدا في مرفأ بيروت وصل صداه جميع أنحاء مدينة بيروت, حيث تهشمت واجهات المباني وانهارت شرفاتها, وأعلنت وزارة الصحة اللبنانية ارتفاع عدد الضحايا جراء استمرار عمليات البحث، حيث وصل العدد حتى الآن إلى 113قتيل, وكان الأمين العام للصليب الأحمر اللبناني قد أكد أن هناك أكثر من 4000 جريح حتى الآن, وتقول التقارير الاولية انه سبق هذا الانفجار الضخم وجود حريق في نفس المكان, وان سبب الانفجار يعود الى وجود 2700 طن من مادة نترات الامونيا مخزنة في احد الهناجر في المرفأ).
والله شوفي يم خليل الدنيا مسا الله امسيج بالخير, اليهود مبخلوش كيميا حوليهم, هذيج السنة اليهود والحجي للجميع جنسوا جل الكيميا اللي في العراق وطلبوا من هذا ..انسيت اسموا شسموا ..شسموا اسموا على راس الساني ..المهم طلبوا منوا مبخليش ولا حبة كيميا عندوا, والله يم خليل انا كلبي ناكزني من شويت دوا هصرصير اللي عنا بالمطبخ ..حاولي يم خليل ترشيهن مرة واحدة للصراصير انا خايف يعرفوا فيهن اليهود وفجروهن فوك روسنا بالمطبخ..اساع امبارح دهنا المطبخ وركبنالوا شفاط تركي.
حتى كولي للولاد محداش اخزن عندوا ملوخية ناشفة ولا حتى (جاج مجمّد) جلو كابل للاشتعال هليام يم خليل, وشوية هل كارص اللي بغرفة هالنوم ليجيبن انا العما..لانوا اليهود بيجوا كمان على ريحة الكارص الله يكرصهم وخلصنا منهم, اه ام خليل هسا اذجرت اليهود بخافو جثير من الكزايز الفاظية, وبخافو يم خليل من اجلت المكلوبه اذا كان الجاج اللي عليها كالب وجهوا وزعلان.
هذيج السنة يم خليل اليهود مسجوا الثوار بكلكيليا وكشّطوهم جل اسلاحهم حتى بكولوا اخذوا جبريتت ابو محمد ..اه بخافوا من مادة الكبريت وبخافوا من الفكوس المطاول, وجسروا مختبرات المدارس بكباطية, وعتكلوا معلم الكيميا في.. وين ..وين ..وين يبوا خليل, والله يم خليل صرت انسى والله خطر عبالي انوا بيروت كريبة من حيفا..هيا مش بعيدة عنها جثير..حتى بكولوا في بحيفا كمبلة مكورة تكوير زي برندة جارنا ابو فايك ..لحظة لحظة شوفي ليكون ام فايك بتصنط علينا.
المهم يم خليل اليهود بخزنوا اسلاح وبدهمش حدا عندوا طلكة وحدة, وبجيفوا على خطب الجمعة اللى بكول فيها الخطيب تحرير فلسطين كرب, هذيج السنة كيفوا على خطيب جمعة بكول باخر الخطبة اني ارى اليهود هاربون, والله يم خليل هذا الخطيب مهو ميز بين نون النسوة واوا الجماعة, ..ام خليل انا انعست فتشيلي هيذ ولا هيذ اذا في حرايك مولعة بالمنطكة صحيني لانوا في ريحة حريكة في المنطكة.
تصبحي على خير يم خليل صحيني على صلاة الفجر بدي اشوف شو صار بيروت, انا بحب اسمع الصبح قرآن يم خليل احنا صرنا باخر عمرنا يم خليل اذجري الله, بحب اسمع بعد هيج اغنية صباح(...جينا نبيع كبوش التوت ضيعنا القلب ببيروت يا شماتة ...) بجيف عليها صباح لما جانت صبية يم خليل, ختيرنا يم خليل والعكازه ما بتفركني.
ام خليل: لا حول ولا كوة الا بالله العلي العظيم, والله يبوا خليل مش عارفين منين بدنا نتلكاها هوتا من كورونا ولا هوتا من نترات امينا ولا هوتوا من جاجات اكرانيا ولا هوتا من جارنا ابو فايك, والله احسن حل يبوا خليل انهاجر على (كبرس) هناك لا في توت ولا في بيروت, عزا ..والله بيروت انكلبت كلب, بدهم شهر وهما ينكلولها كظامة سجرية, وفزدك حلبي, وبسكوت مدارس..
ملاحظة: ارجو قراءة هذه المقالة باللهجة الفلسطينية الجميلة وإلا ضاع المعنى.

---