مهموم و مالي غير ربي

زاد الاردن الاخباري -

قصتي تبدأ بأني شاب متزوج من فترة سنة تقريبا , بعد قصة حب و معاناة دامت اكتر من 7 سنوات .

حب طاهر و شريف من بعيد لبعيد,ما كان بيني و بينها اي اتصالات ولا حتى لقاءات و هذا كان شي متفق عليه من البدايه

كنت اشوفها في زيارات عائليه و بعد هيك سالتها عن طريق اختي فجاوبتني اذا انت فعلا بتحبني بتطلبني من اهلي و بعدين احنا لسه صغار و انا بوعدك اكون الك و بالفعل صبرت علي حتى قدرت اكون نفسي و رحت لاهلها و طلبتها

مشكلتي بلشت بالشهر الخامس من زواجنا , بتعرفوا احنا العرب اذا البنت تاخرت بالحمل الكل بيسال ليه التاخير و من مين ؟

طنشت الكل و حكيتلها حبيبتي سيبك من الناس و كلاهم طول ما احنا متفاهمين, اصرت علي انه لازم نشوف دكتور , و بالفعل زرنا الدكتور و بكل بساطه الدكتور ريحنا بجواب بسيط الامل بالانجاب 1% اذا ما كان صفر.

زوجتي لا تستطيع الانجاب الا بقدرة ربانيه.

انا رجل مؤمن و الحمدلله على كل شي, اكيد بتمنى اكون اب بس للاسف ...
مع هيك بحكي الحمدلله على كل شي و تقبلت الوضع .

زوجتي من حبها الي طلبت الطلاق تقريبا قبل اسبوع بعد مشاكل كتير على نفس الموضوع كل يوم.

شو ما حكيت معها بترجع تحكيلي شوف حياتك مع حدا تاني, انا بحبها و موضوع الانجاب بايد رب العالمين, و ما بدي اطلقها , انا فهمتها هالشي بس هي مو راضيه تفهم حكيتلها انتحري بس انا ما بطلقك و حتى لو انتحرتي ما رح اتزوج بعدك.

والله يا جماعة الخير مهمووووم .