زوجي يقول انه لا يعرف ؟؟؟

زاد الاردن الاخباري -

السلام عليكم

أود بكل بساطة ان اسرد لكم مشكلتي علكم تساعدوني لأني أظن اني اجهل بالموضوع الذي سأتحدث به أنا فتاة في بداية العشرينات جامعية وملتزمة تزوجت قبل شهر وانا الان تقريبا في شهري التاني من زواجي

زوجي خطبني 4 شهور وكن اراه في بداية الخطبة بارد وحتى اخر الخطبة ولا يهتم كثيرا بالاتصال معي او التحدث عبر الهاتف وعندما يزورني لا يقترب مني كثيرا كباقي الخطاب رغم انه هو راني في مكان عام واعجب بي وسالني ان لم يكن لدي مانع من الزواج به واحضر اهله واقنعهم بي انه يريدني المهم في فترة الخطبة وحتى يوم الزواج شعرت ببروده جنسيا وعاطفيا ولم يقل لي يوما كلمه احبك وحتى يوم كتب الكتاب طلعنا تعشينا مع بعض بعد ما عرضت عليه انا وطول الطريق بالسيارة لم يلمس يدي وذهبنا وجلسنا في المطعم واكلنا ورجعنا دون ان يلمسني ولم اجده ملبكا نهائيا او خجلا بل شعرت وكأنه طالع يتعشى مع صاحبه كان يفتح مواضيع عامه المهم وحتى جاء يوم الزواج لم يفاتحني بشيء ويسألني عن استعداتي للزواج ومشاعري وكيف سنقضي اول يوم ولا شيء ولا كأنه رح يتزوج وراح عمحافظته يحضر للعرس وانا ولا كأني العروس المهم تزوجنا وحتى بعد الحفلة العرس واحنا مروحيت عالفندق ما خطرله يحكي كلمه حلوة ولا يمسك ايدي ولا شي وكان يضلو يصييييييييح زي المجنون غطي راسك نزلي راسك مع اني كنت ملفوفه لف بالبرنص وكنا ماشيين بشارع فاضي تماما بطريق خارجية بأحدى المحافظات .

المهم كانت ليلتنا الاولى غريبة لم يلاطفني او او ... كانت مجرد ليلة دخلة اول ما وصلنا وكأنه عنده فكرة كبيرة عن الموضوع وانا كنت كتتتير خجلانه " اول مرة " وصار يصيح فيي لأني خجلانه ويعاملني اني مو فاهمه شي وحسيته بدو يكسر الدنيا وبالاخير صرت ابكي وقلتله انا بنت اول مرة بتزوج انا مو زي بنات روسيا وانا بصراحة استغربت حتى ما كان خايف او متلبك .... ومو هون المشكلة المشكلة تزوجنا ومشي الحال بس انا من داخلي ما كنت مبسوطة نهائيا لأنه ما كنت احس منه مشاعر حلوة او ملاطفه او .. او .. كانت مجرد علاقة ازواج سريعه وبس وحتى كلام حلو ما في نهائيا حتى صباحية العرس أعد يحسب النقوط ويعد فيه ...

المهم ما بعد ذلك رجعنا لبيتنا وشغلنا وصرت الاحظ عليه وانا لسى بأول شهر زواج وبشهر العسل زي ما بقولو أنو يحب أن يعاشرني من الدبر "" عفوا سامحوني ولكن لا حياء بالدين وعلكم ساعدتموني في فهم حياتي " المهم انا كنت امنعه واقله حرااااااااام يقلي لأ مش حرام مين قلك انو حرام أنا أقله والله معروووف انه حرام وضليت أمنعه عشان ما اكسب أثم وكل يوم يحاول وانا امنعه ويقلي اسالي أنا برأيي مش حرام وعمري ما سمعت انه حراام ولكن ديني وعفتي منعتني من اعطاء ه ذلك ولكن الغريب في الموضوع والأسئلة الشائكة لدي :

1- هل الرجال لا يعرفون ان المعاشرة من الدبر حرااااااااام أم جوزي بستهبل علي ..؟؟؟

2- احدى صديقتي تفاجأت بس خبرتها وقالتلي أنتو لسى بشهر العسل والفطرة بتقول انو يعاشرك زي ما بحكي الدين مو زي ما هو بعمل قالتلي جوزك غريب جدا وازا بشهر العسل بلش بدو ... يا خوفي من الايام الجاي

ملاحظات تساعدكم في تحليل وضع زوجي :

زوجي كان يدرس بروسيا واكتشفت من صور له علاقة بفتاة روسية قديما ايام الدراسة .

واكتشفت مجددا انه بعد ماعاد الى الاردن كان على علاقه بفتاة من هنا وعلاقه حميمة وواجته بها واعترف انها علاقات وانتهت ولم تكن الا مجرد علاقات عابرة .

في اول زواجنا وجدت بين اشياءه القديمة التي احضرها من بيته القديم علما انه كان يسكن لوحده لانه اهله بمحافظة اخرى وجدت واقي ذكري فأفيدوني شاب أعزب ماذا يحتاج من الواقي في فترة العزوبية ولماذا كان بين اغراضه القديمة ...

انا الان عند اهلي حردانه من سلوكياته ومواجهتي له بعلاقاته افيدوني هل زوجي شاذ جنسيا هل غريب من شاب في شهر العسل يطلب من زوجته اشياء خارج الفطرة وارجوكم افيدوني واجيبوني عن أسألتي