كيف علّقت رضوى الشربيني على تصرف عروس حسن شاكوش؟

كيف علّقت رضوى الشربيني على تصرف عروس حسن شاكوش؟

زاد الاردن الاخباري -

علّقت مقدمة البرامج رضوى الشربيني عن مقطع فيديو ظهرت فيه عروس مطرب المهرجانات حسن شاكوش، خلال حفل زفافهما وهي تسجد، مؤكدة أن حرية التعبير مكفولة للجميع.

وقالت رضوى الشربيني خلال برنامجها "هي وبس": "كثير من الناس طالبوني بالتعليق على سجود عروس حسن شاكوش، هقول إيه، ست فرحانة بتعبر عن فرحتها، يمكن هي شايفة حسن شاكوش الراجل اللي تعمله الحركة دي في الفرح قدام الناس.

وتابعت رضوى الشربيني"صحيح هي حركة أوفر جدا، وآخر حاجة كنا بنشوفها إن لاعيبة الكورة يسجدوا لما يجيبوا جون، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناهاش الكلام ده قبل كده، ولكن كل واحد من حقه يعبر عن فرحته بالطريقة اللي تعجبه".

وأضافت رضوى الشربيني "تعليقي أنا علي الواقعة بعيد عن ريم طارق أنه إزاي أنا واحدة ست هانم انزل علي ركبي ومنها على الأرض قدام الناس بفستان الفرح ميصحش، وأنا كأنثي بأقول لا."

واختتمت رضوى الشربيني: "مشكلتنا والخوف لو تحول الأمر إلى ترند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها، ياريت يا بنات متعملوش كده أبدًا، لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي، وأفرد دراعي وأحمده قدام الناس بالشكل ده.

وكان قد تداول رواد مواقع التواصل الاجتماعي صوراً من حفل زفاف حسن شاكوش وظهرت زوجته بإحدى الصور وهي تسجد بالتزامن مع بدء حفل زفافها.

---