ساعدوني

زاد الاردن الاخباري -

مساء الخير لجميع قراء زاد الاعزاء انا من فترة قريبه صرت اتابع هاي الزاويه واشوف المشاكل المطروحه وتعليقات اخواني واخواتي على الموضوع اللي في الغالب فيه نصيحه وبعيد كل البعد عن التجريح لهيك حبيت اكتب مشكلتي لعلي الاقي عندكم حل مابدي اطول عليكم مشكلتي انا بنت جامعيه ومثقفه وواعيه وعلى قدر من الجمال يعني الجمال نسبي بس امورة حسب مابحكولي عمري 27 سنه القصه انو مافي ولا موضوع زواج عم بيزبط معي مابعرف ليش رح تقولولي بتحبي واحد وبتستني بقولكم لا وازا انا بكون ناسيه الموضوع للاسف الشديد اللي حولي بضلوا يزكروني وانت ليش لهلا ومابعرف شو سواء بالشغل او بالبيت وانا تعبت نفسيتي من هالشي والله بقرأ سورة البقرة عشان ارتاح وانسى بس برجع بحكي انو لو الي نصيب بهالدنيا اني اتزوج اكيد رح اتزوج فهالامور تركتها لرب العالمين ومش يئسانه انا اجتماعيه كتير ومرحه لابعد الحدود بس مع هيك مافي حظ طيب ليش ؟؟؟لو انا كذابه وعايشه حياتي غلط بتزبط معي كل الامور انا بعرف بنات والله لاجمال ولا حتى اخلاق ومع هيك متزوجات والهم حظ انا متل اي بنت بتمنى اكون ام واعيش حياه مستقره هل الغلط في ولا بالمجتمع اسفه طولت عليكموبتمنى تكون تعليقاتكم اخواني موضوعيه وبعيده عن التجريح