غيرتي ذبحتني

زاد الاردن الاخباري -

السلام عليكم ورحمة الله وبركاته ..

انا فتاة عمري 20سنة طالبة جامعية باقي عتخرجي انشاء الله سنة.. قصتي وباختصار اني بكره صفة فيني والله تعبت منها كتير بحاول اغير بنفسي بس مش قادرة مصيبتي" الغيرة " انا والله ما بحب نفسي بسبب هاي القصة بمجرد مأحس انو حد افضل مني بأي مجال ببلشش اتحسس ونفسيتي بتتعب وبسير افكر ليل نهار ليش فلان احسن مني ليش ماعمل متل فلان ...وهكدا وبنفس الوقت بتألم ادا مس حد شر والله, مع العلم اني والحمدلله الله ابدع بخلقي وبفكري مجتهدة بتخصصي وما بينقصني شي بصلي وبستغفر وبقرأ قرآن وبأوقات الشدة والله بوقف مع الناس وما بتمنى لاي حد الشر...

 

شو اعمل مش قادرة أأقلم نفسيتي اني اتعامل مع المواضيع بشكل عادي ,,,,بس انا والله طيبة ومش شريرة متل ماالبعض رح يتخيلني وبتمنى الشر يصيبني ولا يصيب اي انسان ....... بتمنى تساعدوني وتعطوني نصائح اني اتناسى هاي العادة لاني تعبت منها والله العظيم ...

 

بستنى نصائحكم بعيدا عن التجريح ....