محتارة

زاد الاردن الاخباري -

السلام عليكم اخواني

انا حابة اعرف ارائكم بموضوعي

انا فتاة عمري 24 بعمري ما جربت قصص الحب بس مرة عن طريق النت تعلقت بشخص فترة صغيرة و صار عنده صور الي.

بس بعدين عرفت انه الموضوع غلط, انهيت كل شي و رجعت لحياتي طبيعي  بعد بسنة تعرفت على شخص كان عميل بلشركة اللي بشتغل فيها  الشخص كان مؤدب و خلوق و بحكم عملي بصير مجال للحكي مع العميل و حسيت انه  الشخص مرة على مرة بلمحلي انه معجب في و انا كمان استلطفته و حسيته قريب عالقلب المهم مشيت الامور و عرفنا بعض و كل شي متوافق  و اهلو جايين يتعرفو علي و بستنى احدد انا الموعد بس المشكلة انه انا ما حكيتلو على موضوع الشب الاولاني لأنه هداك كان اشي عابر ما اتعدى الشهر و نص  و ما كنت مفكره انه جدّي و رح يجي يخطبني بهالسرعة , انا يا جماعة هالموضوع مزعجني لأني ما بدي ابلش حياتي معه بكزب بس شكله من النوع اللي ما رح يتقبل و انا بصراحة ما بدي اخسره  والله يشهد اني ندمت على معرفتي بهداك الشب و صورري اللي عنده.

و خايفة لو ضليت ساكته يجي يوم و نلتقي بهداك الشخص صدفة او ينكشف الموضوع  و انا ما بدي ياخد عني فكره غلط بفكر انسحب من حياته نهائيا بس ما بدي اجرحه او يفكر بتهرب منه انا لأنه مش عارفه شو اتصرف

يا ريت حدا يساعدني شو اعمل لأني محتارة.