اختي

زاد الاردن الاخباري -

انا الي اخت بتدرس بالجامعة الحمدلله هي ملتزمة ومؤدبة وانا واثقة بهدا الاشي المشكلة انو في شب بيحكي معها بحدود الزمالة يعني عن الدراسة والحياة بشكل عام

بس بصراحة احنا 6 بنات ومتزوجات يعني ضايل الي بس اختين بيدرسوا وكلنا درسنا بس فعلا عمرنا ما حكينا مع اي شب كيف ما كانت نيته

يعني انا شايفيتها كتير كبيرة انو اختي تحكي مع شب وهي نفسها ما عملتها بحياتها وجهة نظرها وانا حكيت كتير معها بالقصة متل اغلب البنات بهالعمر انو لقيت حدا مهتم فيها وحبت هدا الاهتمام
علاقتهم ما بتتجاوز الزمالة بس خايفة تصير حب بعدين الشب منيح كتير بس واقعي يعني بما انو قدها بالعمر فهو عارف انو مشواره مطول فاكتفى بالزمالة

طبعا العلاقة ما بتتجاوز حدود الجامعة ومن دون تلفونات

ان شاء الله تكون وصلت فكرتي وتقدروا تساعدوني كيف بدي انصحها بالموضوع من دون ما اضغط عليها

يعني المطلوب انو(انا ما بدي انو اختي تحكي مع شب كيف ما كان المبرر...فعلا بخطر ببالي انو الناس اللي بشوفوها واقفة معه انو شو بدهم يحكوا......مع انو الناس اللي بتعرف اختي بالجامعة بفكروهم قرايب او اخوان من تصرفاتهم بس هدا اشي ما بقنعني...........ساعدوني واحكولي ازا
انا مكبرة القصة ولا معي حق....

وعذرا عالاطالة.