أرشدوني لأني محتارة

زاد الاردن الاخباري -

السلام عليكم لجميع اسرة زاد و العاملين فيها و المعلقين المحترمين

مشكلتي باختصار انا فتاه مطلقه عمري 28 سنه اعمل في مكتب سياحه و سفر قبل حوالي اسبوع اجى على المكتب رجل سعودي الجنسيه صاحب مكتب سياحه و سفر بمكة هو صديق لصاحب المكتب اللي بشتغل فيه المهم شافني حكى معي و عن الشغل و سالني من متى بشتغل بالمكتب المهم بعد ما روح اجى صاحب المكتب اللي بشتغل فيه حكالي السعودي معجب فيكي جدا و بدو اياكي حكتلو كيف اعجب فيي حكى معي دقائق معدودة حكالي والله حبك و بدو اياكي على سنة الله و رسوله حكتلو بس انا وضعي ما بسمح حكالي ليش حكتلو انا مطلقه حكالي و هو متزوج لكن غير سعيد ابدا مع مرتو و عمرو 27 سنه و مرتو 35 سنه و دايما بشكي انو مو ادر يتفاهم معها و ما عم بتلبي رغباته ابدا و لما شافكدخلتي دماغو يعني سحرتيه حكتلو اوف سحرتو مرة وحده حكالي والله هدا اللي حكاه شو رايك

حكتلو افكر في الموضوع حكيت لماما و حكتلي ازا بدو اياكي خلليه يجي المهم رجعت لصاحب المكتب و حكتلو اعطيه رقم بيتنا ليجي و فعلا اجى و حكى مع ماما و اخوي و حكالهم انا بدي بنتكم على سنة الله و رسوله و هلا بتجوزها وبتصير تيجي زياره على مكة لحتى تتطلع اقامتها يعني زواج هلا و اروح زيارات لعندو بين الفترة و التانيه حكتلو رح افكر حكالي العريس انا ما معي وقت لازم اسافر خلال 10 ايام بدي جواب

الصراحه استخرت و ما بعرف عندي مشاعرخوف على فرح و خايفه يتزوجني و يتركني هون ما بعرف شو عاداتهم شو تقاليدهم كيف بعاملو الزوجه

رجاء حار ترشدوني لاني محتارة و لازم اعطيه جواب

انا حابه استقر لكن ما بعرف انا اردنيه و هو سعودي ممكن اختلاف الجنسيه يأثر على علاقتنا الزوجيه بسبب اختلاف عاداتهم و تقاليدهم

تحياتي للجميع