يا أمير حسين بتظل .. ثقة مولانا أبو حسين

قبل أن يطل عليكم أبو حمدان في حكايته الجميلة لا بد من أن نبارك لسيدنا ومولانا وملكنا وحبيبنا أبو حسين بثقته الغالية التي حملت الأثر الأجل والأسمى في نفوسنا هذه الثقة التي منحت سمو الأمير حسين لقب ولي العهد فدوما القلب معكم أل البيت والروح فدى لكم ؛ فكلنا على قدر من ثقة سيدنا ورؤيته الثاقبة في اختياره لسمو الأمير الحسين بأن يكون وليا للعهد مبارك لكم ولنا سيدي هذا التشريف الملكي العظيم 0

أبو حمدان له صديق يعيش في إحدى الدول الأجنبية يأتي لزيارته ويبدأ الحوار التالي :
أبو العبد مغترب عن الأردن ويعيش في دولة أجنبية من أوائل الستينات حيث أخبر أبو حمدان بأمور لم نكن لنطلع عليها تعالوا لنرى ما هي ؟
أبو حمدان : أهلا وسهلا بالغالي مليح إنك فكرت ببلدك صارلك خمسين سنه غايب عن هالبلاد يا زلمه كيف متحمل ؟ بتعرف أنا مثل السمكة بالميه إذا بتطلع منها بتموت وأنا إذا بطلع من الأردن بحس حالي ضايع وبدون هويه ؛ والله إني رحت عالحج وعالرغم من هيك حسيت حالي بالغربة
أبوالعبد : كل اللي بتقوله أنا معاك بيه وأنا بحس بيه زي ما انته حاس أبس الواحد شو بده يسوي لا تفكر إنه انته بس بتشتاق لعاد إحنا شو بنا نسوي العمر كله قظيناه بالغربه أبس أخرتنا رايحين نرجع لهالوطن الأم لأنه ما بلمك إلا وطنك0
أبو حمدان : معاك حق أبس خبرني كيف شوقك للأردن ؟ وشو شايف جديدها 0
أبو العبد : ما تفكر إني أنا إذا بالغربة يعني ما بتابع شو بصير بالبلد ما أنا بشوف كل صغيرة وكبيرة عالإنترنت ومش بس أنا كل الجاليه العربيه هيك ؛ وبعدين إحنا بنهتم كثير بكل المناسبات الوطنية اللي بتصير بذكر قبل ما أجي عالأردن الجالية الأردنية وأخوان إلنا من العرب احتفلنا بثقة سيدنا الملك عبد الله الثاني بتنصيبه لسمو الأمير حسين وليا للعهد ، يا ريتك تشوف الحفل اللي صار اشي برفع الراس تمنينا انه سمو الأمير يكون معانا بالحفل اللي ما عمري رايح أنسى لما أجو الإخوان الأجانب وصاروا يرقصوا على أنغام (هدبتلي الشماغ الأحمر) وكل شويه يقولوا again أبو حمدان شوهاظا اللي قلته ؟أبوالعبد : يعني عيدوا أغنية هدبتلي الشماغ الأحمر. أبو حمدان : هسا فهمت يعني همه اختصروها ، أيوه 0
أبو حمدان : والله إنك شوقتني إني أشوف الحفلة، أبو العبد : الحفلة مسجله وأكيد رايح بتشوفها
أبو العبد : ما تتخيل يا أبو حمدان كيف همة الشباب الأردنية ؛المناسف مناسف والأعلام غير شكل وفوق هاظا كل واحد حامل صورة لسيدنا ولولي العهد الأمير حسين إشي برفع الراس
أبو حمدان : والله إنه الله يحميه ملكنا طول عمره من وهوه أمير حامل مسؤولية ودايما هايه عوايد الهاشميين كابر عن كابر همه الأهل لتحمل المسؤولية وقيادة الركب 0ومن شابه أباه ما ظلم وهاظا هوه اليوم سمو الأمير حسين وليا للعهد 0
أبو العبد : بتعرف يا أبو حمدان كل اللي كانوا يمرقوا من جنب الحفلة يميلوا يسألوا شوه هاظا ولما يشوفوا العلم الأردني يقولونا انتوا من شعب الملك عبد الله ( أبو حسين ) نقولهم آه والله والكل يطيح يشارك بالحفل الوطني الرائع اللي صار وكله هاظا وإحنا بالغربة لعيون ملكنا
أبو حسين وولي عهده الأمير حسين ، أأأه يا أبو حمدان لو تشوف قديش الفرحة عمت عند كل الأردنيين والعرب لدرجة إنه الأجانب صاروا يحملوا الصور ويرقصوا على أنغام الطرب الأردني الوطني وصاروا يطلبوا أغنية هاشمي لأنها معروفة إنها للأردن وللملك0 يا سيدي الله يطول عمر سيدنا ويبقى دايما ذخر إلنا والله إنه بشرفنا بكل مكان بالعالم وأنا يا أبو حمدان لأني طبيب أردني بالغربة بشعر دايما إنه لو شو ما سوينا بظل لهايه البلد حق علينا
أبو حمدان : هاظا فعلا حنينكوا للأردن أكثر منا ، بس والله إنه بنحب كل ذرة بهاظا الوطن أقولك والله إني نفسي أسلم على سيدنا ودايما بظل يقول إلي حمدان : يابه أمنيتي أسلم عالملك وأبوسه بقله دايما يابه والله أنا مثلك هوه أنا بهذيك الساعة لما أسلم على ملك الملوك وعلى ولي عهده ---- يا ريت تتحقق هالأمنيه ، أبو العبد : أنا مقدر كل هاظا الشعور اللي تفضلت بيه بدي اياك تعرف إنه الواحد بينا ما بحس بقيمة بلده غير لما يبعد عنها والله ما أنا مصدق وأنا أخلص تقاعدي بهذيك البلاد وأرجع عالأردن اللي دايما ملم الشمل 0
أبو حمدان : كلمة حق تنقال والله انكوا بتبيظوا الوجه بالغربة والله يسلم أديكوا لأنكوا ما بتنسوا فضل هالبلد وملكها عليكوا ودايما الخير بظل موجود والأمل بكبر والأمنيات بتتحقق ما دام بالأردن ملك مثل أبو الحسين وما دام بيه سلاله هاشميه من أحفاد النبي محمد عليه أفضل الصلاة والتسليم ودايما بنقول إنه هالوطن مهيوب ،0 وملكنا ما بخيب الظن بينا لأنه تاج بلالي على جبين هالوطن العالي والغالي اللي كلنا بنفديه برواحنا وبكل نقطة دم بينا 0
أبو العبد : ما على كلامك زود يا أبو حمدان ومن أرض الأردن دايما بننشر الريحان والخزامى وريحة الهال لتضوي دايما قصر رغدان وبنحبك يا أبو حسين وبنحب من يحبه قلبك وأولهم الأمير حسين ولي عهدك والله يطول عمرك يا ابن الغوالي وتظل أعلامك مرفرفة ومزينه بالمجد والكرامة 0 أبو حمدان : هاظا انته لو انك ببلد أجنبي بس بعدك بتحكي سلطي!!
أبوالعبد : اللي ما له أول ماله تالي والوطن مابغيب عن بالي لو غبت عنه سنين وليالي
أبو حمدان : والله كلامك هوه زبدة الكلام ومسك وعنبر معطر بكل مكان بهاظا الوطن وكل عام والأردن دايمه أفراحه وعزيزه أقوامه بظل حضرة صاحب الجلالة ملكنا الهاشمي عميد آل البيت الملك عبدا لله الثاني ودايما الأمير حسين بتبقى ثقة سيدنا أبوحسين 0
دوما يتجدد لقاء الحب والوفاء بكم ومعكم في يوميات أبو حمدان 00000 إلى اللقاء

Hikmat_b@yahoo.com