أمي و أنا

زاد الاردن الاخباري -

انا بنت عمري 21 سنة
من قبل 6 سنين يعني كان عمري 15 سنة بفترة انا كنت فيها بحاجة لوالدتي تقف جنبي وتساعدني وترشدني
وللأسف امي كانت اخر وحدة كنت الجأ الها لما يصير معي مشكلة
كانت كثير بعيدة عني
واذا حكيت معها باي موضوع او اعترفتلها باي غلط عملته تصير تعايرني فيه امام اخوتي وما تعطيني حل بس بتعاقبني
وهيك بدأت جسور التواصل بيني وبينها
ولحد الان انا مش قادرة اتفاهم معها او اتعايش
دائما بعيدة عني بجسدها وبقلبها كمان
انا بحس واحساس فظيع انها مش ما بتحبني لأ بتكرهني كمان
واذا طلبت منها اي شي
لا
دائما الجواب لا
اي شي بدي اياه انا جوابه لا
اما هي تختارلي اه
وبدها كمان بالعربي يعني تروّضني متل ما بدها
وهذا الحكي ما بيصير انا صار عمري 21 سنة مش صغيرة افكر واحلم واعمل متل ما بدها
انا احيانا ما بحس انها امي
ما بشعر فيها
بحاول والله العظيم بحاول اتقرب منها بس هي دائما بتصدني
وبعدين هي عصبية كتير وانا كمان عصبية ودائما نتيجة اي نقاش بيني وبينها بينتهي بكسر اي شي من اغراض البيت
انا تعودت على هالحياة
بس مو قادرة اتحمل اكتر من هيك
هي بتعاند فيني وانا اعند منها
شو الحل؟