العيديه وفرد الخرز

زاد الاردن الاخباري -

محمد ياسر الحنيطي

في الصباح , اجا اخوي الصغير وعيد علي , لكن حسيت في اشي غريب فيه , لأنو الادب بنقط منوا زي الحنفيه . انا استغربت ,, وعرفت انوا اخوي بدور على عيديه مني ,,, لما شفتوا زيهيك ناديت عليه واعطيتوا دينار ,,, قام زتها علي وبحكيلي عيب عليك ,,, ااستحي ,, هات خمسه ام اللون الاحمر ,, لما حكالي زيهيك وجهي صار احمر زي لون الخمسه ,,, واذكرت حالي وانا اصغير لما كنت اخذ من ابوي نص دينار وكان ابوي ايحملني فيها اجميله ,,, المهم اعطيتوا الخمسه ,, بدي اخلص منوا .

,,,,, بعد ما اعطيت اخوي البطل المصاري ,, طااار زي الطلقه خارج البيت , انا قلت الله يستر شكلوا في مصيبه او هسا بدعسلوا واحد ,,, المهم بعد بساعه اجا البطل اخوي , مسحل بنطلونوا زي الي بأفلام الكوبوي , و حاط على جمبوا فردين خرز , وبصرخ بالبيت وبحكي مين الزمه الي هون ,,, انا عصبت وقلتلوا :: انا مش امعبي عينك ولك يا هامل ,,, رد علي البطل الي هوا اخوي وحكالي :: اذا انتا زلمه خليك واقف ,,,, لما شفت حالي مغلوب وبدي انطخ من اخوي ,, جلست ,, واعطيت لمعه زي ما بحكوا ,,,, وحكيت لأخوي انا اسف وحقك عاى راسي .

,,,,, اجا على بالي ازور جاري واعيد عليه ,,, طلعت من البيت زي المحترم وزرت جاري الرخيص ,,, وانا قاعد عندوا سمعت صوت اخوه الصغير ببكي وبحكي ,,, بدي فرد خرز ,, لاساوي مصيبه ,,, الام المسكينه تحكي لابنها :: يا ولد احنا اليوم ضحينا ومافي معي مصاري ,,,, الولد :::: بدي فرد,,, انا ما دخلني تضحوا ولا ما تضحوا ما دخلني بدي فرد خرز ..... ايش معنا ابن جيرانا أشترى فردين خرز حق الواحد فيهم ثلاث دنانير وابوه متقاعد . بدي فرد خرز خاوه عنكوا ,,,, لما شفت زيهيك خف عقلي وروحت بسسرعه .

,,,, بعديها باشوي قعدت على بلكونة البيت اشرب قهوه , فجأه سمعت صوت اخوي وجماعتوا بحكوا :::: الله اكبر ,,,, حي الجهااااااااااد ,,, اليوم بدنا اندافع عن حارتنا ومضاربنا ,,, غاااره ,,, غاااره ,, انا بطلت اجمع وقلتوا ::: ولك شوفي احكي :::: صار يحكيلي الحاره الي فوق بدهم يوخذوا بالثار ,,, انا نشف ريقي ,,, قلتوا شو ذابحلك واحد ,,, قلي لأ ,,, بس احنا هجمنا عليهم بفرود الخرز ,,,, وهيهم اجوا يستدوا منا ,,,, انا هربت و جبتلي طنجره لحتى البسها عن الحرب الطاحنه و قلت في بالي اخوي شرتت معوا وامفكر حالوا غليص ولد رماح او امفكر حالوا نمر بن عدوان ,,, الله يهديك يا اخوي .