أول وكالة اخبارية خاصة انطلقت في الأردن

تواصل بلا حدود

أخر الأخبار
الاحتلال يخشى من تصعيد في الضفة. القسام تستهدف مجموعة جنود وتوقعهم بين قتيل وجريح. بالعلامة الكاملة .. النشميات إلى نصف نهائي غرب آسيا للسيدات. تشافي: لا يمكن أن نفق بعد الآن على أرضنا. هجوم أميركي بريطاني جنوبي الحديدة اليمنية. مسؤول إسرائيلي : حماس لم تقدم تنازلات في المفاوضات. سلوفينيا ترسل طائرة مساعدات لقطاع غزة إلى مطار ماركا العسكري رويترز: محادثات الهدنة بدأت في باريس منذ أسابيع. البيت الأبيض: أوضحنا للإسرائيليين رفضنا احتلال قطاع غزة. حماس: بايدن وإدارته يتحملان مسؤولية الجرائم في غزة روسيا ترد على الحزمة الثالثة عشرة من العقوبات الأوروبية. بريطانيا والاتحاد الأوروبي يوقّعان اتفاق تعاون لمكافحة الهجرة غير الشرعية. نجل صالح العرموطي يدخل القفص الفضي .. الخصاونة طلب و العبادي أجاب. “الأورومتوسطي”: الجيش الإسرائيلي “قتل” 3847 فلسطينيا منذ قرار “العدل الدولية”. الاحتلال يشن غارات على رفح والبحرية تستهدف صيادي غزة. قرعة سهلة لميلان وليفربول في الدوري الأوروبي. لاعبات أيرلندا يدرن ظهورهن أثناء عزف نشيد الكيان. الأردن يعرب عن تعازيه لحكومة وشعب إسبانيا بضحايا حريق اندلع في مبنى سكني سيميوني: لن أجبر جريزمان على شيء. البيت الأبيض يتهم رئيس مجلس النواب بمساعدة إيران.
بردان يا جـــــــــدي لفني بعباتك
الصفحة الرئيسية مقالات مختارة بردان يا جـــــــــدي لفني بعباتك

بردان يا جـــــــــدي لفني بعباتك

11-12-2023 08:46 AM

الكاتب الصحفي زياد البطاينه ...تلقيت دعوه.... قال بدها العشيرة تجتمع مشان قضايا وقصص بتهم العشيره.... انا واحد من هالعشيره َمابقدر اقول لا لهيك فكرت وفكرت كيف بدي اعتذر... وربكم حميد لقيت حجه فهم ماقالوا لي وين هالاجتماع. . .و باي ديوان وباي مضافه. بعد ماصار النا اثنين وعشرين مضافه كل باسمه والخير لقدام. وماحد احسن من حدى الكل بقول انا..... وتذكرت جدي. الله يرحمه وبديت اهوجس واقول

ياجدي... اشتقت لك وانا ماشفتك بحياتي.... حكوا لي عنك وبعيش على المكان كل ذريتك بحيا تنا وبمماتنا... ياجدي...... لفني بعباتك بردان بالرغم من حراره الجو... وكل من طلع من تحت عباتك مثلي بردان ياجدي ....بسالوني عنك ومابعرف شو بدي اجاوب بحكوا لي عنك غرايب وعجايب وانك كنت الاب لكل الحبايب والقرايب الكل بحبك وبحترمك وبهابك...بتجمعهمهم.. برفعه اصبع وبتقضي بينهم والكل بامرك ياشيخ...دفا وعفا ومحبة وعيشه هنا
واليوم. ياجدي الكل بقول انا...وانا. . . القلب تعبان يابو فايز والصدر ضايق وشابه فيه الحرايق لمين اشكي وماحد سامع... ياشيخ ويابو المجاهدين والامرا ...يابو الشهدا ديوانك كان مبارح للملهوف والمستغيث.. للجاي والرايح . مفتوح للضيف والزاير والمار اليوم صار يشتاق للزوار.. وصحابك بتسال ياجدي عن مرابط الخيل وعن السيف والفرس.. بتسال عن بيت الجود والكرم والنخوه ...شو بدي اقول يابو فايز . قلت لهم رحلوا وبيوت العز سكرت ابوابها من بعدك وصارديوانك ينفتح الله وكيلك بس. بالفرح والترح ومفتاح الدارمابعرف مع مين. ..الشيخة تامروا عليها اولادها. وراحت وماعادت الا ذكرى.. والجمعه الحلوة تفرقت صغارها وكبارها وماعاد يتجمعوا المغرب ويسمعو القصص والحكايا.. ولاعادالشيوخ تتسامر وتتامر وتغير وتبدل قضايا ..ولاعاد يملى الدار صوت الصغار ولا تتفتل الصبايا بالدار وجوه مثل المرايا بكل ناحة بالسرايا .
الساحة تغيرت ياجدي... وماعاد يعرف طريقها الفرسان ولا الغريب النعسان ..ولا يطرقوا بابها من بعدك ياجدي لا الجوعان ولا العريان ولا البردان ولا اللي انقطع عن اهله واحتار وين بده ينام ولا اللي بدور تايلاقي فطوره بيوم الصيام ..حطوا شبك وقفل عالنباب وصدا القفل وتغير لون الدهان والكل بعدك عريان بعد ما راحت عباتك ياجدي وتوزعت عالنسوان ... ياجدي... بعدك ماعاد الضيف يلفيهم و يلاقي نومه هنية ..ولا عادوا يلعبوا الضيوف بالسيجه و الصينيه ويوكلوا اللقمه الهنية ولا المخشرم والراحة الطرية والفيصليه ولا المنسف ابو لحمه طريه ...يا جدي بقولوا ديوانك طريقه متغير ولون حجاره متبدل ..وبقولوا صارباب الدار ناسي الوجوه اللي كانت دوم تدخل وتخرج منها ...واللي بذكرها بقولوا عنه معتوه ورجعي وعشائري وعتقي .... باب دارك يا جدي كان وبظل الاحلى على العتبه حجار بنتباهى فيها لانها اقدم احجار بالاردن ,,وواحد منها اسود نايم من يوم مارحت ومرتاح فوق اللي رايح واللي جاي وياما من تحته مرق ملوك وامراء وشيوخ وشعرا ومحفور عليه تاريخ ميلاده بس هب الهوا وطير اوراق الذكريات وغيروا شكل العتبه والباب ياجدي بحجة التقدم والعصرنه وبدينا نسال عن الباب وعن المفتاح وعن الديوان وعن بيوت الحريم ومرابط الخيل والابيار .
راحت دار جدي تغيرت فيها العتاب والابواب بس بعد الكل بسال عن اللي سكن الدار وعن اللي حط واللي طار... بسالوا عن عباه جدي عن مفتاح الديوان وعن العجايز والشيوخ والنسوان ومين فتح اهلتبان... ومين عبى الغمر.. ومين زبل الفرن ومين ودى للحراثين ...ومين نشل ميه من البيار... ومين اقرى الضيف وين صا روا وشو جرى وبرددوا قول اللي سبقوهم شو هالزمن ال... وظل شاعرنا ينده ويقول ( كله من ايدينا ياحسرة علينا ضاع المفتــاح وإبواب تبكي على اللى راح ما ظل طعم ولون وقلي شلون.... يابيت جــدي ماتت فيك الافراح ليش الغدر و الحقد عبا الكآس و الآدمي كل يوم عم ينـداس . سامحني ياللي قلت هالابيات
استعرتها منك تااحكي عن بيت جدي اللي راح وماعاد حد معه نحتي نسخه من المفتاح. .. ولاعاد بصلاة الصبح الديك فيه صاح.... وماعاد حد ييجيها إلا بالافراح والاتراح , شو بدي اسولف لك ياجدي.... الديوان ياجدي.... صار دواوين وعنوان بيتك صار عناوين . ملعون هالزمن ياجدي اللي كل ديك على مزبلته صياح واللي مابعرف الخامين من الملاح... واللي ماعاد فيه الخلق والكرم والتواضع سلاح . ...ملعون الزمن ياجدي اللي صار بيتك مضافات وحجار صوان بعد ماكان ملقى الاصحاب والاحباب ومربط الفرسان.
بخاطرك ياجدي ماظل حد ياجدي كلهم راحو وماعادوا يجتمعوا ولاعاد صوتك يخيفهم ولا يجمعهم ولاعادت الحجه عذرا تناديك ولا صبحة تبكيك ولا جواهر تستغيث ييك حتى شما وشريفه كلهم راحو راحوياجدي وسكر الديوان وصرنا بريته بردانين بردانين ياجدي ....وعباتك ماعاد عرفنا راحت لمين.. ولا عاد نار موقدك شعلوها ولا قهوتك قهووها... ياجدي,, ياجدي ...خذني عندك بردان ياجدي لفني بعباتك اللي مابدفا غير فيها... ضمني لجناحك اغراب ياجدي صرنا حتى ببيتك من لما رحت الكل تفرق.
يا سامعين الصوت وين الناس صار الأصيل بحارته ســايح عتبان قلبي على البشر كلها.. نسوانها ورجالها وكبارها وزغارها. شايلين حبالها و اللى زرع فينا البلاوى هج وتخلى.... رضيان قلبي بس على اللى تبسمروا بالارض ..ز لافرطوا ولا تورطوا لا داوروا ولا ناوروا فيهم جمال الكون يتجلى ...عتبان قلبي على البشر كلها كله من إيدينا ياحـــــــسرا علينا ...سكرنا بواب المحبه وعلى الغربة تربينا... كنا يا دنيا حيطان وبواب تساند حيطان... بحارة كبكــوبة خيطان ملفوفه علينا ...هجوا ياللى هجوا وعاتبونا وضلوا ياللى ضلوا يحمونا..
أتاري كل شيئ بيشبه كل شيئ تهمونا جنينا وكله من إدينا .... بدنا بيت يسع الكل بلكي يداوينا من الذل ونرجع ناس وما تنداس الكرامه اللى فينا يا حسره علينا ياحسره علينا يا بيت جـدي ضع المفتاح.. ,وبعد ابوابك تبكي عاللي راح .

pressziad@yahoo.com








تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع