شو أعمل !!!

زاد الاردن الاخباري -

انا طالبه جامعية خريجة الفصل الجاي نشالله
مشكلتي اني بحب شب من 4 سنين
يعني مش عارفة شو احكيلكم
مزاجي لدرجه
ازا هو زعلان لازم ينكد علي
وازا كان مبسوط لازم انا افرح غصبن عني
وبيخاف من اهله لدرجه مش طبيعية
انا اهلي بيعرفو عنه كلهم
بس هو ما بيسترجي يتنفس قدام اهله
حتى ما بيقدر يحكي معي تلفون وهو بالبيت
ومصاريه دايما صارفها عالتفاهات المهم ما يخلي معه اشي
وبس اجيبله سيرة الخطبه
قال بيحكيلي بس يصير معي 10 الاف وشقة وسيارة باجي!!
مع انه الخطبه ما بدها اشي وانا مش طالبه منه اشي
انا بحبه هوا
واغلب الوقت منكد علي
رحتي عالدكتور فلان لا تروحي
سالتي الشب فلان بالمحاضرة سؤال معناها انتي بنت مش محترمه
حتى صحباتي هو بينقي مع مين امشي ومع مين ما امشي
ممنوع اضحك
ممنوع اكتب عالفيس بوك اي شغله ما بتعجبو
ممنوع احكي مع ولاد اخوي؟؟؟؟؟
بصراحة انا تعبت
انا بعرف حدودي منيح الحمدلله بس ما بحب حياة العقد زي هيك
هدا غير الليس اللي بتصير عليه الف مشكله
بس انا اكتر شغلة بتدايقني
انه عمري ما طلبت منه مساعدة بأشي وساعدني
كل همه حاله وما حدا يحكي عليه وما حدا يعرف انه بيحكي معي بيجوز اهله يحبسوه بالبيت الله اعلم
مع انه عمره ما طلب مني مساعدة الا وساعدته حتى على حساب دراستي ووقتي
ومع انه لو وحدة غيري طلبت منه مساعدة بيساعدها
بس انا السر اللي لازم يضل مخبى وما حدا يعرف عنه
انا ما بنكر انه محترم
بس انا خلص قرفت
يعني انا راح اتخرج ولسا مو عارفه استناه ولا لا
استنى شغله انا مو متأكده منها؟
انا بعرف انه كل شي نصيب بس كمان يعني اعرف شو في ببالو
ناقشتو كتير
ولا حياة لمن تنادي

في كتير تفاصيل بدس ايام وانا احكيها ولو حكيتها لاي حدا رح يحكيلي ارميه ولا تسألي عنه
حتى صحباتي بيحولي شو عاجبك فيه انتي بتستاهلي احسن منه
بس الحب ؟؟
انا حابه اتركه بس مو قادرة
4 سنين ما بينتسو بسهوله
لازم انسى بس كييييييف؟؟؟
كل مرة بحكي بدي اتركو وبرجع
وهو بيضل يترجى فيي اضل معه
انا مشوشة مش عارفة شي
:(