زاد الاردن الاخباري -
كشفت الفنانة التونسية فريال يوسف للمرة الأولى تفاصيل انفصالها عن زوجه بعد عقد قرانها مباشرة.
وقالت فريال التي حلت ضيفة على برنامج "الستات"، الذي تقدمه الإعلاميتان مفيدة شيحة وسهير جودة، على قناة النهار: "بعد كتب كتابي فركشت على طول لأن مكنش ينفع أكمل في الزيجة دي والموضوع ده مكنش له علاقة بالخيانة".
وأضافت: "كتب الكتاب كان سريع ومكنش فيه فترة تعارف وكنت مشغولة بمسلسل خاتم سليمان، ولما الشخص طلب ايدي وافقت ولما عرفته على حقيقته بعد عقد القران فقررت مكملش معاه".
وتابعت: "ندمت على قرار ارتباطي بالشخص ده لإنه مكنش ثابت على القيم اللي بيتكلم عنها، وكذب عليا في معلومات خاصة به، ولما ركزت معاه حسيت إن فيه حاجة مش مظبوطة ولما سألت عنه جاتلي ردود صادمة فكان مهم بالنسبة لي أفركش ومكملش الزيجة دي".
وأكملت: "خلصت تصوير مسلسل خاتم سليمان 29 رمضان، ويوم الوقفة سافرت بلدي وبعدها على طول كتبنا الكتاب، ولما اكتشفت كذبه واني مش هاعرف أكمل معاه قررت الانفصال لإني محستش إنه ممكن يبقى زوج ليا وأب لأولادي".
وعن تفاصيل سقوطها من أعلى حصان، الأمر الذي أبعدها عن الأضواء لفترات طويلة لخضوعها للعلاج، قالت فريال يوسف: "تجربة أليمة بعدتني عن الأضواء"، مضيفة: "أنا بركب خيل من غير سرج، لكن في المرة اللي وقعت فيها من عليه الحصان اتخض من حاجة".
وعن التجربة التي مرت بها قالت: "ماكنتش عارفة أتحرك كويس وحياتي وقفت، وماكنتش بقدر أحرك كتافي وراسي، أي حركة بتعمل لي صرع، لدرجة إني بره الاستديو بيسمعوا صوت صريخي، وسافرت ألمانيا بعد ما اتحجزت في المستشفى، وفي دكتور مصري شاطر مصري عالجني".