القلق على الآخرين

زاد الاردن الاخباري -

انا شاب عمري 26 سنة، عندي مشكلة بدأت معي من أيام التوجيهي، وهي الشعور بالقلق من الاخرين، مثلاً، لما كنت أدرس مجرد ما أتخيل أو يخطر ببالي أفكار سخيفة، مثل انه حتى لو درست وجبت معدل عالي رح الكل يقول غش بالأمتحان وما بستحق معدله، بعرف انه تفكير سخيف، وانا عارف انه بجوز البعض يضحك، وكنتيجة اتضايق وما ادرس واركز بدراستي وما استغل تفكيري وقدرتي ، المشكلة انه كنت اكون مدرك انه تفكير سخيف وما اعرف اتخلص منه ويصيبني احباط واكتئاب وفقدان شهية للطعام، وبالنتيجة جبت معدل كثير متدني رغم انه كنت متفوق بدراستي سابقا وخجلت احكي عن الاسباب لأهلي، لما كبرت ظلت الحالة معي على اشكال مختلفة، وكلها بتتمحور بالقلق على الاخرين، مثلا اذا كان اخوي بالجامعة، بخطر ببالي انه ممكن وهو راجع لا سمح الله يعمل حادث ، مباشرة نفس الاغراض قلق، تعرق،واكتئاب، بكون عارف انه مجرد تفكير سخيف وما بقدر امنع نفسي اتأثر، كيف اتخلص من هالمكشلة مع العلم انه انا رافض اشوف اي طبيب نفسي.