مش عارفة انسى

زاد الاردن الاخباري -

مرحبا انا فتاة جامعية حبيت شخص لمدة سنتين ونصف كنا اقرب لبعض من الدنيا كلها كان اليوم معه وله وهو كمان خاصة انه وحيد في البلد يعني ما اله غيري قضينا اوقاتنا كلها في الجامعة مع العلم ان كل واحد منا بجامعة بس ما كان مانع انه يداوم معي طول اليوم او العكس انا بعد ست شهور من العلاقة عرفت عنه معلومة ما كنت اعرفها وهو انه اكبر مني ب 7سنوات مو بستنين متل ما كنت اعرف وانه بالجامعة من 8 سنين لانه لم ينجح في دراسة الطب وبعدها اضطر انه يحول لطب الاسنان فعليا دراسته ما كنت جيدة حتى بعد التحويل مع نهاية الفصل الماضي رسب بساعات اعلى من المسموح بها لتقديم امتحان التكميلي للسنة الدراسية الثالثة بعرف صعبة ان الشخص يوصل لعمر 28 وبعده سنة تالتة وقدم استثناء للجامعة وتم رفضه بعدها رجع عندي اعطاني ورقة الاستثناء وراح على اساس ان السعادة لن تكون معه خاصة بانه بلا دراسة ووضع اهله المادي سيئ ومن يومها رافض التكلم معي ورؤيتي ما بعرف شو اعمل يمكن غلط التفكير بشخص فعليا ما رح يكون الي وخاصة انه خبرني انه مافي امل يكمل تعليمه وانسى موضوع الرجعة لبعض 

محتارة لاني بعرف انه عم بكابر وبده حدا يكون معه..... بس صار في حواجز بينا كتير بتخليني افكر مليون مرة لانو لو انا وافقت ورجعنا ما رح يكون نصيبي لاني متأكدة من رفض اهلي وانا في داخلي شخصيته انهزت نتيجة للبعد في هالفترة تعبت نفسيا وحتى جسديا وهو كان بيعرف بس حاول يبعد ويكرهني في عن طريق عدم السؤال ورفضه لشوفتي حتى وانا تعبانة بس مش عارفة انسى 

و الحل استنى الايام ولا انساه او اكون معه حتى لو كابر ورفض