أريد رأيا سديدا , بعد ان تقرأ قصة حياتي

زاد الاردن الاخباري -

انا شاب ابلغ من العمر 19 عام مشكلتي انو امي ماتت وانا عمري 6 سنين قدام عيوني بحادث سياره وبعدها تربيت مع مرة اب مريضه نفسيه وكانت تضربني كثير وتمارس علي انواع تعذيب وتجوعني وتحرمني من كل اشي وتاخد كل اشي الي الى ان علم والدي بعد سنة وكنت من كتر الخوف منها ما احكيلو لانو كان عصبي كتير وهي شخصيتها قويه طلقها بعد مشاكل منها بسببي ومنها ما بعرف سببها ومات بعد سنتين من موت امي وانا كتير حلو وكانو ناس كلهم يعاملوني يا عشان شكلي او شفقه علي بس المشكله انو ما حد اخدني حطوني بملجا وحياة الملجا صعبة كتير وفيها ناس مش مناح وكتير اناذيت عندهم وما حد من قرايبي اجا ولو يطمن علي ولو مره عشان احس انو الي ناس وعمامي كانو وصيين علي اخدو ورثة ابوي كلها ورمووني لما صار عمري 18 اجا عمي كان الي اكتر من 10 سنين مش شايفو حكالي انو شغل ابوي كلو خسر وانا ما الي شي عندهم وكان اسلوبو منيح ومعو مرتو سكتت انا وما حكيتلو شي طلب مني اوقعلو على ورق بس الي كانو معي حكولي لا توقع الا ما نفهم شو في المهم ما بدي اطول عليكم طلع كذاب ومحول كل شي باسمو لما عرفنا ومسكنا عليه ورق صار يحكيلي انو اجي اسكن معهم واخد الي بدي ياه وما اشكي عليه للمحكمه لانو لو شكيت رح يصير بولادو زي ويعيشو بميتم وانا بعرف شو الميتم بس اكيد ما رح يعانو متلي وكمان عمي التاني متفق معو وانا بصرااحه متعقد منهم لانو كل ما اشوفهم برجعلي ذكريات موت امي وابوي ومرة ابوي واحيانا بكون نفسي اقتلهم هلا شو اعمل وانا هلا بشتغل وبدرس ومش محتاجهم بس ما بدي الناس يحكو انو انا قليل اصل وشكيت على عمامي ويصيرو يحكو انو ابوي ما عرف يربي وبنفس الوقت مش قادر اهدا وانا بصراحه طبعي هادي ومش حابب اشتكيهم بس الي معي بحكولي لازم نضربهم وحقك ناخدو منهم بالقوه وللعلم ما الي لا اخوان ولا خوات فشو اعمل