بعد الانتقادات اللاذعة.. شاهد كيف رد أحمد سعد على مهاجمي صورته بالمسجد

بعد الانتقادات اللاذعة .. شاهد كيف رد أحمد سعد على مهاجمي صورته بالمسجد

زاد الاردن الاخباري -

خرج الفنان أحمد سعد عن صمته، وذلك بعد أن تعرض لبعض الانتقادات عندما نشر عبر حسابه الرسمي على تطبيق تبادل الصور (انستغرام)، صورة تجمعه بالداعية الديني مصطفى حسني، خاصة لظهوره بوشم على ذراعه، عاد لينشر صورة أخرى له مع نفس الداعية.

وعلق سعد: "الجمعة اللي فاتت قابلت الشيخ مصطفى حسني بعد صلاة الجمعة، واتصورنا مع بعض ونزلت الصورة، حكم الناس وتعليقاتهم كان هجوميًا جدًا، وكأن الجنة والنار اجتمعوا مع بعض في صورة واحدة"، وفق (لها).

وتابع" قد إيه فرحني الشيخ مصطفى حسني لما قابلته الجمعة دي كمان، وسألته اوعى تكون التعليقات ضايقتك، ولو حابب أشيلها، قالي إزاي بتقول كده؟!، أنت صاحبي وحبيبي، ويلا ناخد صورة كمان".

وأضاف سعد" بيفرق أوي إن يكون في إيدك تكتب تعليق يجرح ويضايق حد، وإنك يكون في إيدك كلمة حلوة تفرح بيها حد، حتى لو مختلف عنك، شكرًا يا شيخ مصطفى حسني على انفتاحك وتقبلك للآخرين زي ما هما، وده دليل كبير أوي إنك حقيقي وإن المواعظ والمحبة اللي بتتكلم عنها في خطبك حقيقية مش كلام بس، ويا ريت كلنا نتعلم نتقبل الآخرين، أو على الأقل ما نجرحش فيهم لمجرد اختلافنا عنهم، وإن علاقتنا بربنا شيء خاص جدًا".

---