مصر تكسر حاجز 5000 إصابة بكورونا ودعوات للاحتذاء بالنموذج الأردني

29-04-2020 11:36 PM

زاد الاردن الاخباري -

حذر خبراء من وصول إصابات كورونا في مصر اليوم إلى 5268 بالتمام والكمال، مؤكدين أن الفايروس يضرب في مصر بقوة، لاسيما مع مشاهد الزحام التي تشهدها الأسواق ووسائل المواصلات.
البعض ذكّر بمقولة وزيرة الصحة المصرية هالة زايد سابقا بأنه في حالة تخطي الإصابات حاجز الألف إصابة ،فسيكون من الصعب السيطرة على الوضع.
دعوتان تتجاذبان في مصر الآن: الأولى تدعو إلى التزام البيوت ،والأخرى تدعو إلى استئناف العمل بقوة لإنقاذ ما يمكن إنقاذه.
اللي أوله شرط!
د.هاني الناظر الرئيس الأسبق للمركز القومي للبحوث خاطب المصريين بقوله: “نفسك ترجع الشغل تاني ونفسك كمان كمسلم تصلي العيد باذن الله جماعة في ساحة المسجد وكقبطي تصلي يوم الأحد في الكنيسة واكيد بتحلم ترجع تاني تخرج مع أصحابك وتروح النادي وتتفسح وتركب فلوكة في النيل ونفسك تاخد الولاد وتروح المصيف وتعمل حاجات كثير ثانية اتحرمت منها الفترة اللي فاتت وطبعا نفسك تخلص من حدوتة كورونا اللي خنقت حضرتك… كل ده ممكن بمشيئة الله ولكن المثل بيقول ايه؟ بيقول اللي اوله شرط اخره نور! طيب ايه هو الشرط؟”.
وتابع الناظر: “الشرط يا سيدي ان حضرتك تتعود دائما من هنا ورايح انك تلبس الكمامة في اي مكان فيه ناس كثير اوتوبيس ولا مترو ولا شغل ولا سوق وكمان تخلي مسافة بينك وبينهم واوعي الزحمة..اما موضوع غسيل الايدين بالماء والصابون هايبقي منهج أساسي في حياتك في البيت والشغل ومفيش حاجة اسمها اكل عريان في الشارع ولا أكل مع حد في طبق واحد ولا كوب واحد وإياك تكح او تعطس من غير المنديل الورقي اللي هايكون دائما في جيبك علي طول ليل نهار وفي كل مكان وخليك فاكر أدواتك وملابسك وحاجات الشخصية مفيش حد يستعملها غير حضرتك أما حكاية انك وانت ماشي او وانت في العربية ترمي حاجة في الشارع دي تشيلها من دماغك نهائي …من الآخر نظافة ونظام ووقاية وروح شغلك وعيش حياتك وانت مطمأن وهانت يا سيدي باذن الله”.

البعض وافق الناظر فيما ذهب إليه، بينما اعتبر آخرون دعوته هي ذات الدعوة التي أطلقها رئيس الوزراء البريطاني جونسون المعروفة بمناعة القطيع.
النموذج الأردني!
د.رمزي الجرم قال إن النموذج الصيني والأردني لمكافحة كورونا؛نموذج لابد وأن يُحتذى به،مشيرا إلى أن ما دون ذلككلام فارغ؛إلى أن يتم اكتشاف علاج أو مصل أو لقاح.
ساويرس
رجل الأعمال المصري نجيب ساويرس كرر دعوته لاستئناف العمل مرة أخرى، وقالها صراحة: “‏انا قررت راجع المكتب يوم الحد… واللى عايز ييجى ييجى و اللى خايف يقعد فى البيت .. كل واحد حر بس انا خلاص ..مش جبت آخرى … لا عديت آخرى ….. وهراعى الاشتراطات كلها 3 متر وكمامات و تعقيم الخ الخ …. بس خلاص ….يا كده يا مستشفى نفسانى “.
بيل غيتس
متابعو ساويرس اختلفوا حول ما دعا إليه، منهم من وافق، ومنهم من هاجمه.
نورة العتيبي ردت على ساويرس بقولها: “‏‎رجال الأعمال العرب حالتهم يرثى لها تغريداتهم أسوأ داعم للمجتمع.
بيل غيتس صاحب أعظم امبراطورية يشجع الناس على تحمّل الحجر المنزلي وتنحّى عن مجلس الإدارة عشان يتفرغ للعمل الخيري وانتم قاعدين تحبطون الناس وتتذمرون لمجرد إن نفسيتكم تعبت بدون مراعاة لخطر الوباء على أرواح البشر”.
محمد سعد خاطب ساويرس بقوله: “‏‎قرارك ترجع الشغل ده يخصك ياباشمهندس بس خليه لنفسك الأسلوب ده هيشجع الناس على النزول و التعامل عادي مفيش حاجة اسمها زهقت احنا مجبورين على الوضع ده عشان حياة الناس ودي أهم حاجة لازمته ايه الشغل لما تكون معرض للموت؟”.
عبيد الفلوس
صلاح الباز رد على ساويرس واصفا إياه ب ” عبيد الفلوس”،الأمر الذي استفز ساويرس فرد عليه بقوله: ” ‏واحد تانى اهوه … فلوس ايه يا …..عبيد العمل و الحياة مش الكسل و البلادة”.