"أم الشحات" تهاجم محمد رمضان: "كنت بدافع عنه بس مش قادرة"

"أم الشحات" تهاجم محمد رمضان: "كنت بدافع عنه بس مش قادرة"

زاد الاردن الاخباري -

نشرت الفنانة الشابة علياء عساف، عبر حسابها الشخصي بموقع "إنستجرام"، تدوينة تعلق بها على أزمة محمد رمضان والطيار المفصول بسبب تصوير الأول في كابينة الطيارة.

وكتبت علياء: "اشتغلت معاه بس ماتقابلناش غير في مشهد واحد كنت بسمع إنه شخصية لطيفة ومحترمة وكان أي حد بينتقده كنت بقول لا ده كويس وبدافع عنه وبقول فرحان بنجاحه بس اللي بيحصل ده عيب قوي.. بدل ماتقف جنب الراجل اللي كنت السبب في قطع عيشه تتريق عليه، عيب لما بدل ما تساعده تطلعه كداب وانه بيستغلك ولو حتى افترضنا إنه طلب منك الفلوس دي كلها وأنا شبه متأكدة إن ده ماحصلش كنت حل الموضوع بطريقة أشيك من كده" بحسب ما نقلت "مصراوي".

وتابعت: "لكن تتريق على راجل محترم وعنده تاريخ زي ده بالمنظر ده والراجل مغلطش فيك في ولا كلمة ده اللي عيب، اللي نمبر وان مش بيبقي مؤذي ومش بيبقي السبب في قطع عيش حد، نمبر وان ده بيحس بالناس وبيراعي شعورهم ووجعهم بيحس بالناس اللي مش لاقية تاكل مش بيتمنظر عليهم بالعربيات والطيارات وانه عنده فلوس".

واستطردت: "كفاية منظرة وراجع نفسك عشان مش دايمة لحد.. الراجل ده غلط بس عقابه كان قاسي قوي والسبب هو منظرتك، كلنا بنتصور وبنجيب حاجات وبنسافر وبنعمل اللي يفرحنا بس مش بنعمل كده، كل يوم في شباب بتموت ولو جه معادنا مش هناخد حاجة معانا، افتكر الكلام ده كويس أنا آسفة لو كلامي سخيف بس ماقدرتش أمسك نفسي بصراحة".

يُذكر أن الفنانة الشابة علياء عساف عرفها الجمهور المصري من خلال شخصية "أم الشحات" في فيلم "بلية ودماغه العالية"، وشاركت محمد رمضان بطولة مسلسل "ابن حلال" من تأليف حسان دهشان، وإخراج إبراهيم فخر.