ليش زعلانين انه عين 4 من اشقاء نواب حاليين..

ليش زعلانين انه عين 4 من اشقاء نواب حاليين ..

زاد الاردن الاخباري -

ليش ما زعلتوا ، لما عين 4 وزراء من البنك الاهلي الي كان بشتغل فيه ، و 3 وزراء من صندوق الملك عبدالله الي كان بشتغل فيه ، ووزيرين من جريدة الغد الي كان بكتب فيها ..

ليش ما زعلتوا لما ضحك عالناس وحكالهم لا يمكن ان تكون جيب المواطن هدف الحكومة لتمرير قانون الضريبة ، وبعد شهر طلع وقال لا بد من تمرير قانون الضريبة والا ستقع الطائرة..

ليش ما زعلتوا لما اجى على محافظة الزرقا يطّمن على خرفانها ، وما سأل البيت الي جنب الحظيرة الي تصور معها وجنبها والي مقطوعه عنه الكهربا ليش ما معكم تدفعوا..

وليش ما زعلتوا لما قال لا بد من تخفيض النفقات ، وراح عين اله مستشار اعلامي ، ومستشار "عريف سري " ومستشار لا يستشار ، ومستشار للسوشال ميديا ، ومستشار جابه من المولات واختصاص بيع وشراء وحطه جنبه، وجاب سكرتير من صندوق الملك عبدالله الي كان بشتغل فيه ..

ليش ما زعلتوا انه ما قدر يحول ولا نائب على المحكمة في قضية الدخان ، وفي شخصيات كمان ما قدر يحكيلها مرحبا..

ليش ما زعلتوا ، لما حط واخترع فرق الوقود على فاتورة الكهربا ، والي كان يدفع فاتورته 20 دينار صار يدفعها 60 دينار.

بتحبوه عشان نجح الطلاب بالتوجيهي .. مهو الي راح يتخرج راح ينبطح ويتكرسح في البيت ، والوظائف محصورة لاصدقاءه ومعارفه واخوان النواب ..

بالله عليك دولتك شيل القناع الي حاطه على وجهك ، وسيبنا من الاخلاق والتواضع الي زهقتنا فيهم ، تراها ملقت ..