زوجي مجنني

زاد الاردن الاخباري -

السلام عليكم ورحمة الله وبركاته ،

بداية أنا بأحب أعرفكم بنفسي أنا إمرأة أبلغ 32 عاما متزوجة منذ عشر سنوات برجل طيب وخلوق ولكنه مهتم بشكل كبير بالأكل والطبخ يعني من الصبح بيسألني شو بدك تطبخي أو بنكون بنفطر فبيحكيلي شو راح نتغدى وبيهتم كتير بتفاصيل الأكل وطريقة الطبخ ومرات بيدخل المطبخ وأنا بحضر بالأكل وبيصير يعطيني تعليمات وإرشادات كيف كل طبخة بنعملها وشو بنحط بهارات وشو لازم يكون بالمكونات يعني ما بيحكي معي إلا بالأكل والطبيخ وبحاول أحكي معو بموضوعات شوية جدية ما بيشاركني الحوار ، يا إخوان أنا بمضي بالمطبخ ساعات كتيرة بتحضير الوجبات إلو ولازم تكون السفرة دايما كاملة ومش ناقص منها شي ، يعني كل شي موجود سواء بفطور أو غدا أو عشى ، أنا بصراحة مليت هادي الحياة إلي كلها بتدور حول الأكل والطبخ وبس وما في أي إهتمامات تانية عندو ..........، فيعني بحكيلو يلا نطلع ما بيرضى ، يعني هو إنسان بيتوتي بكل معنى الكلمة، ولما بدي أعمل زيارات لأهلي وإخوتي وأخواتي وطبعا زياراتي إلهم بتكون بس إزا في عند حدا منهم مناسبة يعني إزا أختي ولدت أو إبن أخي نجح أو حدا كان منهم لا سمح الله مريض بروح فأبل ماأطلع بيحكيلي شو جهزتي أكل ولا لأ ، طبعا أنا بكون محضرتلو أكل، فمش عارفة شو أعمل معو ، راح يجنني.