أخـــــي !!!

زاد الاردن الاخباري -

السلام عليكم ورحمة الله وبركاته تحية طيبة لإدارة زاد المحترمة حابة أنشر موضوع مختلف عن باقي المواضيع مع أملي بالله أولا ثم في معلقين زاد ثانيا أن أجد الحل المناسب..

 وموضوعي هو أن لي أخ كان يتمتع بكل الصفات الحسنة من دين وأخلاق وحسن معاملاة للجميع ولكن منذ سنين عديدة تغير حيث أصبح يأخذ نوع من انواع الدواء المخدر ... وذهبت أنا الى مكافحة المخدرات وعاملوني معاملة طيبة من أصغر موظف الى المدير نفسه جزاهم الله خيرا وطلبت المساعدة بأن يجدوا له الحل المناسب فمكث في مصحة لبعض أيام ثم خرج مستاء الحال ودون أن يتعافى والسبب انه يوجد في المصحة مدمنين على الهروين والمخدرات ويجنمعون مع بعض يعني ممكن الواحد يكون بدو يتعالج من شي بسيط يطلع بشيء آخر وكمان ما بجبروهم انم يضلوا بالمصحة يعني هاد إشي بإرادتهم ...

المهم هو الآن في وضع صعب جدا ويريد المساعدة ليتخلص من هذا الوضع الصعب القاسي كقصاوة الصخر لأنو وضعه يزداد سوء يعني قبل يومين بكى من شدة وجع رأسه وييكي بكل حرقه وبحكي لوالدتي عالجيني مشان الله يعني بكل صراحة لازم يتعالج عند طبيب نفسي وللاسف امي لا تستطيع علاجه نهائيا لأنو والدي توفى واحنا صغار وما عندها راتب أو اي حدا يساعدها ما رح اطول كثير بشكر زاد وكل الي رح يعلق على هذا الموضوع مسبقا

والسلام عليكم ورحمة الله وبركاته