أردنية وقلبي سوري

زاد الاردن الاخباري -

انا بنت ع 17 صغيره ؛؛؛ بيوم من الايام حبيت انزل اغنيه لرويده عطيه اسمها شو سهل الحكي
دخلت على موقع فجأة طلعتلي دردشه
وطبعا سكرتها بس صار عندي فضول اعرف شو هاي الدردشه
وفعلا رجعت ؛؛طبعا دخلوني عشوائي بإسم (عيوني)
ودخلت وشفت الناس بالغرف شو بحكو :::وبعدين طلبني واحد
علشان نحكي انا وياه طبعا طنشته بس انتحر ليحكي معي
وحكيت معه وتعرفت عليه وحكالي انو من سوريا وعمرو 28
واسمه وشو بشتغل وووو...الخ
وصرت كل يوم ادخل الموقع واحكي معو
لعرفت كيف بدخلو للدرشه من موقعها الاصلي
طبعا كنت ادخل احكي معاه هوه وبس
ربنا بشهد
متل ما تحكوا تعلقت فيه
صرت كل ما ادخل النت ادخل الدردشه
واحكي معاه
وبعدين تطور الموضوع عملت ايميل وضفته عندي
وصرنا نحكي مع بعض
عالايميل وحياة الله طلب مني اكتر من مره بشوف
صورتي بس ما رضيت
وحكيت معه وسمعته صوتي
وهوه كمان تعلق فيه صار لازم يحكي معي
بصراحه عشقنا بعض لحد الجنون
وتقدم لخطبتي بس حكيتلو انو انا بعدني
صغيره واهلي ما برضو يجوزوني براالبلد
وحاولنا نبعد عن بعض وما قدرنا
وهلأ انا محتاره شو اعمل ازا بعدت عنه رح انجن والله
والله تعبت حتى حالتي النفسيه صارت تسوء
كتيرررررر
مشان الله ساعدوني شو بدي اعمل
والله انو محترم وملتزم بالصلاه
وكتير طيووووووب واحنا من عيله محافضه جدا
لو يعرفوا اهلي بموتوني ومع ذلك انا راضيه
يا اصحاب الكلمه الطيبه
ساعدوووووووووني مشااااان الله