مهما قلتم بحقي .. لن ألومكم

زاد الاردن الاخباري -

قصتي بإختصار شديد إني حبيت شب حب كبير وكان يبادلني نفس المشاعر...ما بعرف كيف حبيته لإني طول عمري ضد هالعلاقات وجديه وكشره وما إلي مزاج بهالقصص ...
المهم إجى خطبني وبعد ما وصلت اللقمه للتم خرب الموضوع كله لأسباب مازلت أنا أجهلها...طبعاً هالشي دمرني نفسياً وضل عندي أمل إنه القدر يجمعنالحد ما سمعت إنه خطب فقررت أنساه وأشوف حياتي وفعلاً خطبت انا كمان وتزوجت...هلأ المشكله إنه بعد غياب سنين صارت توصلني مكالمات غريبه ع تلفون المكتب وأكتشفت إنه هو وأنصدمت كتير وأنا طبعاًبشتغل في دائره حكوميه معروفه وجاب رقمي من الأستعلامات وصار يرن علي بالمكتب ويحكيلي إنه لسه بحبني وما نسيني ...أنا طبعاً صديته وبهدلته وخفت كتير وصرت أبكي ..

.مو عارفه كيف أتصرف إزا رجع أتصل ع المكتب ومو قادره أحكي قصتي لأي حد ليساعدني متل خواتي أو أي حد من زميلاتي لأنه ما حد رح يفهم موقفي والكل رح يعتبرني خاينه...أنا يا جماعه نسيته مجرد ما خطب وشفت حياتي ويشهد علي ربي إني ما فكرت فيه بعد زواجي ولا فكرت أخون زوجي في يوم من الأيام بس تلفوناته عم تكرر عالمكتب وهاد مكتب حكومي ما بقدر أغيّر الرقم أو المكتب ولا حتى أترك شغلي ...شو الحل؟؟؟ الرجاء عدم التجريح