هل أساعده أم لا؟؟؟

زاد الاردن الاخباري -

السلام عليكم ، قصتي بصراحة ، شوي مختلفة عن معظم القصص كالحب والزواج ...
 انا مشكلتي احتجت شخص قبل سنتين, وهذا الشخص على الظاهر كان يحترمني ويقلي انت اخ عزيز وسكنت انا واياه بنفس الغرفة 4 شهور .وعملي مشاكل بالشركة كان هو سببها اكتشفت بالاخر, كان سبب انتقالي لفرع ثاني من الشركة مع اني ماكنت طالب نقل ، كان نقل تاديبي. وعمل مشاكل لكل موظفين الشركة طلع بعض الموظفين من سكن الشركة. وكان يستغيب الموظفين ويهز ذنب ويقلي انا بعزك وانت اخوي مع انه كان في بينا خلافات كثير ومشادات كلامية كثيرة ، طبعا انا من جديد عرفت انه هو سبب نقلي لفرع ثاني للشركة ، وكان يقلي انت اخوي ، وفي يوم قبل سنتين احتجته بحاجة ورنيت عليه تلفون وكنت باشد الحاجة للمساعدة ، رنيت علي ومارد من تلفوني ورنيت من تلفون ثاني لما يسمع صوتي يقلي كمان شوي بحكي معك انا باجتماع وما يرن علي ، اذايقت ولكن ربنا فرجها علي ولقيت حد ثاني يساعدني بفضل لله ، والان رجع يقلي بدي نفس الحاجة مني اللي انا احتجته فيها. شايفين يا اخوان الدنيا دوارة ، وماطار طير وارتفع الا كما طار وقع ، طبعا ربنا عاقبه وتفنش وترك الخليج ورجع الاردن ورد رجع الخليج والان بده مني نفس الخدمة اللي انا طلبته فيها ومارد علي عالتلفون حتى ولا عبرني والان بقلي ساعدني ، انا يا اخوان بحب اساعد كل الناس وماحد بطلب مني اشي بقدر عليه الا بعمله لانه عارف ربنا بساعدني وبيسرلي اولاد الحلال ، ونيتي صافية الحمدلله واموري ميسرة والاسلام حث على الخير والمساعدة ، بس والله كل ما اذكر انه ما ساعدني واجى يطلب نفس الطلب بدي اموت من القهر ومن داخلي بغلي غلي وحتى لو ساعدته رح يكون لوجه الله وبس من دون نفس بصراحة لانه ماكان ثقة ولا كان رجل ، فهل اساعده ولا لا ؟ طبعا هو رجل كبير عمره 43 سنة فاعطوني رايكم واي استفسار مش فاهمين القصة احكولي عشان اوضح