وقت القصعة نبقى تسعة

أبو فهمي زهق من شكاوي أبو يوسف من أبو لطفي , حب يحرج أبو يوسف بلكي يبطل هالعاده
فسأله: يا أبو يوسف لو حطوك محله و صار الحل والربط في إيدك شو يعني رح تعمل.
أبو يوسف و كأنه كاين يستنى هيك سؤال جاوب على طول --
إسمع يا أبو فهمي , ميشان تفهم عَلي ... رح أقسملك الجواب إلى دفعتين , الأولى شو لازم أعمل و الثانيه شو لازم ما أعمل, فهمت؟
انا بدي اياك يا ابو فهمي تفهم انو الشعب جعان و طفران و ما عندو شغل و قاعد بيستنى رحمة الله. هاي البلد الله اعطاها شيخ كبير ابن شيخ و جدو شيخ, عاقل و رايق و خلاها زي ما بقولو واحة امان و اطمئنان, و انحطينا في ظروف صعبه فاتورتها كبيره و دفعناها من جيوبنا. و كمان علمنا اولادنا و قريناهم و خليناهم يطفشو تيشتغلو عند اللي بسوا و عند اللي ما بيسواش.
ميشان هيك ,راح أبدا فوراً في تدبير شغل للعاطلين البطالين المسخمين, و هاظا الشغل رح يكون في القرى البعيده يعني كلوه لاولاد المحافظات مش بس هون.
وكمان لازم أمن شربة المي حتى لو بدي أبيع بنطلوني و أداين من القرود. عشان هيك لازم أحلي مية البحر و أربط البحرين, يا بجيب مفاعل نووي , المهم لازم شربة المي تكون متوفرة.
و يا أبو فهمي إنتى أكيد بتعرف إنو حتى الكهرباء رح تتوفر من ربط البحرين ومن المفاعل النووي وهاي فاتورة البترول بتخف علينا.
جيش كبير و نشمي يمكن يكون أساس مساعد في هاي المشاريع و غيرها.
موظفين دوله رح يصيروا يركظو يستقيلو حتى يشتغلو في القطاع الخاص -لإنو اذا دعمته و تركته يشتغل براحه رح يصير يعطي رواتب أكثر.
أما اللي صاروه موضه الفساد و المحسوبيات و صار ابو لطفي يحكي عنهم حتي يلهينا عن غيرهم فاسمع عاد--
فساد و توابعه والله ما رح أصيبه ولا أحكي عنه لإنو هذا صار مأسس له زيو زي المنسف فصعب, بتلاقيك معك كوليسترول وبتوكل منسف.
محسوبيات كمان خليها , لا بوجع راسي فيها و لاعلى بالي , لإنو شو ما عملت ما راح تغير إيشي , صارت في بلدنا مربوطة زي العقال و الشماغ. أُسكت و خليها.
و طبعاً رح تقولي من وين بدك تجيب مصاري ميشان تعمل هيك.
سهلة و بسيطة
عمرك شفت مديون إنشنق -طيب سمعت إنو البرازيل كانت اكثر دولة مديونة في العالم , و هسه كيف صار حالها لما الديون إللي أخذتها إستعملتها لإولاد البلد.
منشحد من قرايبنا ولازم أشغللهم نظرية حكلي تحكللك .... ولا والله ما بخليهم يتهنو في الخدمات المجانيه. --------العروسة للعريس والجرى للمتاعيس-----
ما في قدامك الا تجبر جيرانك و قرايبك على الدفع - يعني بدك تقولي انو احنا و موقعنا ما بتساعد على هيك. لأ حبيبي بتساعد و نص, انا بقولك كيف.
لما جيرانا اللي شرقنا كانو متورطين مع جارهم ابو رستم ما لقو غيرنا يكون الظهر اللي بيساعدهم في توصيل لقمة عيشهم و مع غيرها من حاجاتهم. بس كان السعر او البديل رخيص و تعودو على هيك.--يادى الشيلة يادى الحطة روحت على جمل وجيت على قطة------
كمان اخوانا غربا و شمال و اللي جنبهم نفس الشي. اما الشرقاوه اللي شوي بعاد عنا ففزعنالهم في طوشهم -و كمان احنا الساتر اللي بتخبو وراه.-بس السعر كان دايما رخيص و رخصنا حالنا من ورا ابو لطفي و اللي سبق.
هسا يا ابو فهمي رح تقولي وين المبادئ و القيم و الشهامه.
قبل كل شي وينها فعلا هسه عندهم -و الله ولا مفكرين فيها.-اللي ما بيستحوا على دمهم و بيرمو فلوسهم يمين وشمال و بيقطرو في القطاره علينا. ----وقت القصعة نبقى تسعة ووقت الحاجة نبقى وحادى-------
و طبعا سهله، من هون و طالع بدو يتغير الاسلوب--لما هالصحبه مش نافعه و احنا بوقت الضيق. اي بلغي هيك صحبه و بدور عللي متطاوش معهم و بغازلو و بصاحبو حتى يركظو علي و احط شروطي-يعني بروح عند اللي ما بحبوه و خايفين منه.
و بعدين يا اخي انا ما بدي منهم صدقه ولا حسنه -اي يعطونا اللي بنمشي في حالنا ..... قرظه حسنه يعني دين و بيسموه بين البلاد دين بشروط وفائده بسيطه يعني--سوفت لوون.
فهمت يا ابو فهمي و لا بدك اياني اطعمي الولاد شعارات لو نفعت ما كان صار اللي صار حوالينا.
اما يا حبيبي شو اللي بدي ما اعملوه فبتسمعوه مني المره اللي جايه. ----و إللى يربط فى رقبته حبل ألف من يسحبه -----