هذه قصتي فما الحل برأيكم

زاد الاردن الاخباري -

انا بنت بحياتي ما فكرت احب لاني بخاف ربنا مع انو عندي حرية كامله عمري 20سنة تعرضت لكتير شباب حابين يحكو معي محترمين ومثقفين كنت احس اني اخون اهلي والاهم غضب ربي من سنةطلع بحياتي انسان كان اقوى مني ومن كل القرارات الي انا ماخديتها وكنت مقررة استمر فيها خلبط حياتي حسيت فيه الانسان المؤدب المتدين اكبر مني ب 10سنوات يعني مو شب مستهتر ما حبيته بسهولة ولا تعلقت فيه بسهولة
مثقف اول ما شعرت اني متمسكه فيه حسيت اديه انا بغضب ربنا وبخون اهلي تركني على راحتى حكالي اعملي شو ما بدك ما عدت احكي معه افكر فيه اه بس كنت قادرة امنع حالي من الحكي مع هما شفته خلال السنة الا مرتين وكل مرة ما تجاوزت الخمس دقائق كان يخاف عليه يقولي الي برضاه لا اختى برضاه الك هوه كان ضميرو يأنبو لما نحكي يحكيلي لازم يكون بينا شي رسمي هوه عندو امور بحياتو مختلفة عني وعن البيئة اي انا فيها ما عندو اختلاط طلب مني اتحجب واغير طبيعه ملابسي هدا كلو كان يبسطني لانو من زمان كنت اتمنى حد يساعدني لا اكون افضل هوه من قرية فلاح انا من المدينة في فروقات كنت اتخطاها ما تاثر عليه ابدا ولما خسر امواله وشغله قرر اني يتركني لانه شعر انه رح يظلمني وحكالي انا تمسكت فيه لاني بحبه وانو لو بعرف كيف رح اعيش بوضع صعب والتعب ما رح تكملي وحكا انو لاني بفكر بقلبي مو عارفه مصلحتى تركني بس انا ما نسيته يوم مر تلاته اشهر حكيت معه اطمن عليه لاني بصراحه ما عدت اعرف ارتاح بدون ما اطمن عليه حسيتو في عنده حكي ما حكاه ما اخدت ببالي بس من جواتي حاسه انو ربنا ما رح يفرقنا حكا معي بعد يومين قال انو وضعو تحسن من فترة رجع شغله افضل ما كان بدو يحكيلي حتى ما ارجع اتعلق فيه الا لما يجو اهلو لعنا بس انا حسيت وانا خليته يحكي كل شي بعقله و بفكر فيه حكالي عندك استعداد نكمل وحكالي اول ما تنهى دراستك رح اجي واخطبك وفعلا اول ما نتهيت من دراسه كليتي اجو اهلو كلهم لعنا هوه مسافر اجازاتو قليلة وخصوصا انو شغلو جديد بس هوه بعت اهلو حتى يطمني حكالي اول اجازة بتصحلو رح ينزل
هلا رجع وضعو تلخبط شوي احنا ما بنحكي الا قليل جدا كل يومين دقيقه او تنين بالكتيراحيانا كل اسبوع حكالي انو بدو شهرين ليبين معو متى بقدر ينزل هون احتمال الموضوع ياخد سنة او شهرين
انا محتارة كتير خايفه اخسرو لانو مستحيل اقدر ارتبط بانسان غيرو واخبي عليه اي موقف مر بحياتي بنفس الوقت خايفه ما انساه لاني فعلا حبيته من قلبي بعيد عن المظاهر والماديات هوه بحترمني وما عمرو غلط معي بكلمة
بتمنى احكي معه كتير وهوه كمان بس بنخاف من ربنا وانا عندي امل بالله كبير من ترك شيء لله عوضه الله خيرا منه
انا بطلب رايكم بالقصه الي انا عايشها
ادعولي الله يجمعنا بالحلال ويبعد عنا الكلمة الي بتغضب ربنا