ساعدوني شو الحل

زاد الاردن الاخباري -

صباح الخير
عندي مشكلة محيريتني ومطيرة النوم من عيني وعيون اهلي بالبيت
يا ريت حد يساعدني ويحكيلي شو الحل
مشكلتي انه امي ارملة من 15 سنة وعمرها 53 وكانت الامور ماشية تمام من لما توفى الوالد حتى لما توفى اهلها حاولو يزوجوها بس هي ما كانت توافق
ومن فترة سنة تقريبا تعرفت ماما على شب بشتغل بمحل بالسوق واولها كان يساعدهايعني كانت زبونته بعديها صار يحكيلها انها متل امه وبحب يطمن عليها واحنا بالبيت كان الموضوع بالنسبة النا عادي بس لما صارت تحكي معه تلفونات بالساعات اعترضنا وواجهناها وحكينالها انه يمكن بده منها شياو طمعان فيها
بس المشكلة انه غاسللها مخها ومفهمها انه بريئ حتى حاولنا نحكي معه انا وخواتي كان يحكيلنا طيب ما رح احكي مع امكم ويرجع يحكي
وهالايام صارت تحكي معه بالسر ولما يرن عليها تتخبى بالغرفة حتى اهتمامها بحالها وبجمالها زاد كتير

مو عارفة شو اعمل حاسة اني رح اخسر امي
بترجاكم حد يساعدني