محتار

زاد الاردن الاخباري -

السلام عليكم يا اخوان
بدي تعطوني رايكم بهالقصة باختصار
انا من شي فترة بنيت بيت بضيعتنا بالبستان وضيعتنا بتكون عالحدود التركية ....طبعا ضيعة اخوالي بسوريا...بس ضل ناقص البت التشطيبات والابواب والشبابيك والذي منو.....المهم ...ضيعتنا استقبلت كتير نازحين من المناطق المحيطة ....اليوم اجاني اتصال من خالي حكالي في صبية كويتية بدها تحكي معك بموضوع ....حكيتها وخبرتني انها معلمة وانتها طوعت بسوريا ونزلت من تركيا عضيعتنا وعجبتا كتير وعجبا البيت يلي بانيه بالبستان فاقترحت علي انو تقوم بالتشطيبات وتركيب الابواب والصرف الصحي وكل شي على حسابها مقابل انها تسكن فيه لمدة سنتين وتعملوا مدرسة للاطفال النازحين.......

اول شي الموضوع الوا وجهتين نظر....يعني الاجر عند رب العالمين ....بس انا مو مرتاح للبنت نفسها...يعني في شي قالقني مع العلم انها بنت عشيرة وملتزمة...

شو رايكون اوافق واتوكل على الله او انطر .....؟