الأختيار المستحيل

زاد الاردن الاخباري -

السلام عليكم و رحمة الله وبركاته

انا شاب عمري 26 سنة تغربت بأحد الدول العربية قبل 4 شهور بمكان ممتاز و الحمد لله,و في رمضان قضيت اجازتي في الاردن و تعرفت عن طريق الفايس بوك على فتاة,و كلمنا بعض بضع مرات عبر الهاتف و طلبت منه ان اقابلها و وافقت,والفتاة كانت مثل ما بدي بزبط جمال و اخلاق و ثقافة و بنت عالم وناس اعجبت فيها جدا,بعديها بأكمن يوم حكيت معاها و اعترفتلها اني معجب فيها و حابب اتعرف عليها اكتر و اذا زبطت الامور بيناتنا رح اخطبها و نتجوز و هي قالتلي انها معجبة في و ارتحتلي لأني راكز و غير عن باقي الشباب,لكن للأسف لما عرفت بأي بلد انا بشتغل قالتلي ما بروح على البلد تبعك و اهلي مش رح يقبلو,البلد هي العراق تحديدا شمال العراق في مدينة اربيل و هي منطقة اكراد (اقليم كردستان) و هي امان جدا ولا يوجد فيها مشاكل نهائيا و هي غير عن باقي العراق,حكتلي بروح معاك على اي بلد غير العراق او انت تيجي عالاردن و طبعا مستحيل ارجع عالاردن لأني هون باخد تقريبا راتب وزير بالاردن,انصحوني شو اعمل انا البنت بدي اياها لأبعد الحدود و طول الوقت و انا عم بفكر فيها وخايف حد تاني يوخدها مني...