الوقت !!!!

زاد الاردن الاخباري -

انا شاب تخرجت حديثا و الى الان لم اجد عمل حقيقي يدر علي المال المشكلة هي انني احببت فتاة و لي معها 4 سنوات و احبها جدا و هي تحبني .. الان و بعد تخرجي تريد مني القدوم لطلب يدها انا صادق في حبي لها و ان اطلب يدها هو كل ما اريد من هذه الحياة ولكن !!! من وين ؟؟؟ اذا ما معي اصرف على حالي و انا الي شهرين متخرج بالزبط !!! حكيتلها بعد سنة على اقل تقدير بقدر بس هسة مستحيل على الاقل الاقي شغل اجيب منو مصاري لانو ما بقدر اطلب ايدها و من ابوها و انا شغل ما معي ... و الصراحة حتى بعد سنة ما بقدر اعمل اشي الا بمساعة الوالد االله بطول بعمرو لانو الكل شايف كيف وضع البلد و اذا بدي اشتغل و احوش بدي 15 سنة مشان اقدر افتح بيت .... هي ما عندها مشكلة تستنى و ابوها مدللها و ما بجبرها على اشي و المشكلة صفت عند امها اللي كل يوم بتجيب عريس شكل على اساس تغريها انو معو مصاري و شقة مع انها بتعرف عني بس و للاسف بلشت تنجح الخطة و بلشت البنت اللي بحبها تنق و انو بدها تتجوز ... انا كل اهلي بعرفوها و بعرفو اني بحبها و حتى ابوي حكيتلو عنها و حكالي لسا بدري افل اشي بعد سنة افتح معي الموضوع و هي مصرة بدها هسة مع انو البنت مسكينة و اي حدا بلعب بعقلها زي ما عملت امها و انا محتار و مش عارف شو اعمل هاي هيا البنت اللي انا قررت اضحي بشبابي مشانها !!!
يا ريت تساعدوني لانو المشكلة مع الوقت بتكبر و انا كل اللي بحتاجو هو الوقت

اسف على الاطالة