زوجي

زاد الاردن الاخباري -

اعزائي قراء زاد الأردن .. والعاملين عليها .. كل عام وانتم بخير

أردت ان اطرح مشكلتي لكي أحااول اخذ قرار لأني فعلا تعبت ومش عاارفه شو اعمل ووين الصح!!

انا انسانه متعلمه وحلوه عمري 33 سنه عندي 3 أولاد. بشتغل والحمدلله راتبي كويس .وراتب جوزي كويس بس كله بروح عليه قروض وما بعرف وين ..وللأسف بعاني معه من أول زواجي بسبب ضعف شخصيته والامبالاه وسوء الاداره بكل شي يعني مركن عليي بكل شي .. وبصراحه مشكلتي الأكبر انه ما بحس انه بغار عليي وفري زياده عن اللزوم لدرجة انه مستعد يدخل مراء الطريق ببيته والمصيبه اني تفاجأت بوجود علاقة زميله بحياته مطلقه كان بتراود عندها على بيتها وعايش معها وبعد ما راقبته اعترف بكل شي بينهم بعد ما حط ايدو عالمصحف انه مافي من اشي بينهم وانه علاقتهم شغل .. انا انصدمت لأني بحس لامبالاته قلة فهم وغباء وانه هو هيك بس لماعرفت انه كزاب وعايش بوجهين وعنده استعداد يدعي على اولاده وبالاخر بكون كل كلامه مش مزبووط حاسه حالي بكرهه ومش قادره اصدق اي اشي بحكيه وبطلت قادره اضلني العب دوره ومسؤولياته سرت ازت عليه الحمل والمسؤوليات اللي كان لازم هو يقوم فيها ويتهرب منها بحجة انه ما بعرف زيي واخدت منه سيارتي .. زادت المشاكل بينا واتطورت الأمور كتير لدرجة انه انعكس الحال وصار هو يشك فيي .. ساعه الأيه متخبي بدبة السياره .. او منزل برنامج حفظ على جهازي .. او مشغل تتبع على جهازي الموبايل اشوفوا عند السياره .. وححكالي لازم امسك عليكي ممسك اكسر عينك .. انا ما بحترمه وبعرف انه ما عنده اي قيم او مبادئ ترده .. وممكن هو يوسخني لو طلبت الطلاق لاني كل ما اجيب سيرة الطلاق بسير يعيط وينزل على رجلي .. وانا بحب اولادي كتير همه كل حيااتي .. احكولي شو أعمل والله تعبت كل ليله بستخير وبطلب من ربي يكون وكيلي وما ضل بالعمر أد ما مرأ .. بس انا بالنهايه ست بدي انا الائي انسان اتسند عليه واحس فيه مش مصالح وكزب وأدام الناس ومن جوا بمووت كل يووم .. ومش عايشه .. والله عمرو ما اخدني او طلعني مشوارمعه الا انا احاسب وتكون كل سنتين مره وعشان عازم حد يعني بالمعيه ..مع انه عمره منعني أطلع الا اذا صدفت في شي بس انا حاسه حالي لحالي واني مش متجوزه .. وتعبت من اساليبه وجهووني شو الحل بترجااكم!!!!