متردده

زاد الاردن الاخباري -

السلام عليكم و رحمة الله و بركاته
و كل عام وانتم بالف خير

مشكلتي باختصار انا فتاه مطلقه عمري 29 سنه قبل ايام رحت ازور صاحبة الي بتشتغل بشركة و بالصدفه شافني شب بشتغل هناك و بعد ما طلعت رنت علي صاحبتي حكتلي فيه شب عنا معجب فيكي كتير و سالني ازا انتي مرتبطه او لا و حكتلو عن وضعك و بدو اياكي حكتلها شو وضعو بالزبط حكتلي عمرو 36 سنه مخلص بكالوريوس محاسبه كان متزوج و زوجتو توفت بالسرطان قبل حوالي سنه و عندو ولد عمرو 4 سنوات وعايش عند ستو وبدور على عروس لانو حابب يجيب ابنو لعندو لتربيه مرت ابوه وبدو زوجه تحن على ابنو و تهتم فيه و حكتلي عندو مشكله راتبو 900 دينار و كان ماخد قرض ليشتري سيارة و بقتطعو 450 دينار من راتبو و رح يضل على هالحال لمده سنتين لحين يسد كامل القرض علما انو هلا محوش 3000 دينار و قادر يعطيكي مهر و يدبر مصاريف العرس و الزواج بمساعده من اهلو
حكتلي للامانه هو طلب مني اوضحلك كل هاي الامور قبل ما يتئدملك رسمي و صاحبتي حكتلي بما انو الحمدلله انا وضعي المادي مرتاح مش غلط اساعدو لحين يسد كامل القرض و بعدين بتتسهل الامور

و حكتلي الشب كتير محترم و خلوق و بخاف الله

بصراحه انا متردده اوافق يجي و للا لأ لعدة اسباب
رح يضل من راتبو 450 و دينار
رح يستاجر بيت على الاقل 200 دينار و رح يتبقى 250 دينار
و المبلغ المتبقي يا دوب يكفي وانا اكيد رح اساعدو بس خايفه بعد ما يسد القرض يتعود على اني اساعدو
ابنو كمان بدو مصاريف مدرسه و لبس وغيرو

مش عارفه كتير متردده حابه اخد رايكم
للعلم ما عندي مشكله باني اساعدو ابدا لكن متل ما حكتلكم خايفه يتعود و بعدين اندم لاني من النوع ما بحب حدا يفرض علي شغله بحب اعمل شي انا مقتنعه فيه

يا ريت تساعدوني علما انو بستنى رد مني ليجي يتأدملي رسمي
طبعا حكيت لماما عن الشب و حكتلي مش غلط تساعديه ازا الشب محترم و بدو يستقر و بتكسبي اجر بتربية ابنو اليتيم لكن لهلأ بجد محتارة و بدي تنوروني بارائكم