الحب اللي بتتعذب فيه لما يكون اللي بتحبو قدام عيونك ومو قادر غير النظرات البريئة تكون بينكم ... هيك كنا ما نحكي مع بعض غير رسمي قدام اهلها واهلي لا تلفون لا ايميل ولا اي شي ..

لحتى بيوم رن تلفوني وان كنت سنه تاينة جامعة وكانت بنت خالتي .. قالتلي لازم اخطبها هلا او اقل ما فيها اخبر اهلها انه انا بدي البنت زوجة اللي عشان يحلو عنها الخطاب لانه اهلها كانو بضغطو عليها ...

اولها ما رضيت بحكم اني عم ادرس وما معي ثمن خاتم للخطبة .. المهم اقتنعت وحكيت مع ابي وامي واقنعتهم بقراءة فاتحة المهم الام حكت معي وبتقلي انه البنت ما بدها ومو مفكرة بالوضوع ها وبتقول انه انت وهي متل الاخوان وما عمرها فكرت فيك بزوج ...

انا انصدمت وما صدقت صرت رن على المبايل تبع البنت ما بترد ابعت مسجات ما بترد هيك لحتى قلت بنفسي البنت ما بدها وما لقيت غير هالطريقة تحكيلي انساني ... مرة الايام والسنين واجتمعت انا والبنت بعد 4 سنين ....

طبعا انا كنت من جوا بغلي من اللي عملته البنت بس ايقنت بالاخر انه هذا اختيارها طبعا ضليت والله 3 سنين اتهرب من انه اشوف اي حد من طرفها عشان ما اتذكرها امها ابوها اخواني اهل امي ... ليوم شفتها صدفة بالمطار ... رحت جيب امها من المطار وما بعرف انه البنت جاي والله ولقيتها قدامي ... بعد كم يوم جتني البنت بتبكي وبتقلي انت بتكرهني انت انت انت انت ... وانا مو متحملة لزم احكيلك امي اللي رفضت مو انا اهلي اللي قالولك الكلام مو مني انا بالعكس ما بعمري تمنيت ولا رح اتمنى غيرك .... ما صدقت لحتى سمعت امها بتحكيلها اذا ...... طلبك للزواج بتقولي لا ما بدي مشاكل .... لما سمعت خاتلي انصدمت منها .. وصدقت البنت وصار انه حكيت مع البنت واتفقنا اطلبها مرة تانية وانه هي توافق ... طلبتها ما وافقت الام وقالتلي انه البنت ما بدها عملت مشاكل مع خالتي عشان اسال البنت انا قالتلي اوكي بس بوجود ابوها ...

صار انه قعدت مع البنت واتفقنا شو رح احكي وهي شو رح تجاوب .....

لما اقعدت مع ابوها وامها وامي و و و و نادو للبنت وحكيت اللي اتفقنا عليه واجهتني بجواب كان صدمة كبيرة قالت انا بوافق بشرط انه يجي على البلد اللي نا فيها " بما معنى كلامها "

الامهم عرفت انه الاب والام غضبو على البنت اذا بتقول اه .... فما قالت اه ولا لا جاوبت جواب تاني بس كان صدمة اللي لانه البنت بتعرف وضعي وحياتي و و و وما بقدر اجي على بلدها بالوقت الحالي ...

بس عرفت الموضوع اتفقت انا والبنت انه اصفي اموري بشغلي وانه هي رح تدورلي على شغل ببلدها وتدبرلي اقامة هناك مع انه صعبه الاقامة كتير هناك بطلع ....

صارت مشاكل بيني وبين خالتي لما قلتلها اوكي انا رح اجي عندكم وهي تقلي لا انا ما بغرب بنتي انت اخرتك ترجع للاردن و و و و و وكلام بسم البدن والله واهانتني بشكل والله مو طبيعي ممو حاب احكي الكلام لانه بجرح كتير ...

صار انه البنت عم تدورلي وضلت فترة شهرين نححي مع بعض تقريبا كل يوم .... اتغيرت اموري كلها انا ما كنت احكي مع البنت اللي بحبها وفجأة صرت احكي كل يوم كنت اسعد شخص ...

لا تسألوني كيف حبيت بنت بعيدة عنك وما بتحكي معها كنت وما بتشوفها غير بالسنة مرة و و و و وو الحب اعمى والله اعمى .....

بيوم من الايام اخبار البنت اتقطعت وبعد اسبوعين من انقطاع اخبار البنت عرفت انه في واحد متقدملها وهي موافقة فحاولت اتاكد وهي ما كنت تردي علي طبعا من جناناب سويت مع خاتلي مشاكل لحتى انه حكت مع امي بتقلها من شان الله رح يخرب بيت بنتي ... طبعا امي حكت معي وغضبت علي اذا بحكي معهم او ببعتلهم شي ومن وقتها ما بعت ولا حكيت معهم ... البنت خطبت وتزوجت ..... ويالله شو انه شعور مألم ووالله ما تمنى لعدوة تكون قاعد وعارف انه هلا عرس البنت اللي بتحبها .................................................

مشكلتي ما عم انساها ... البنت زوجت من 2008 وهلا عندها ولد وانا مو عارف انساها امي بدها اياني اخطب وعم تدورلي وانشاء الله رح اخطب بالصيف بس خايف اظلم البنت اللي رح اخطبها ....

ما خليت شي غير عملته باتعدت عن اهلي عن اهل امي عن كل مكان شفتها في بحياتي ومع هيك ما عم اقدر اسناها وخايف اني اظلم بنت الناس معي بس اخطب فشو الحل ؟؟؟؟؟

شو الحل انه انسى ؟؟؟

وشكر للجميع واعتذر على كتر وطول الكلام ..

تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع