أتمنى الاقي حل

زاد الاردن الاخباري -

السلام عليكم ..

انا فتاة عمري 20 سنة حبيت شب عن طريق النت وصارلنا فترة مع بعض المشكلة انو مو ملتزم بدين كتير عندو مشاكل مع امو واهلو وسيء بدراستو بس انا خلص صرت احبو  بحكيلي كل شي وانا بحكيلو كل مشاكلي  هو ما بصلي ومو ملتزم بلمرة

كثير صار في مشاكل وانا مقتنعة انو ما رح يجي ل يطلبني او يتزوجني  المشكلة مش هون  انا كتير حابيتو يصير يصلي وقريب من الله اكتر من مرة سألتو ليش بتصليش وما كان بجاوبني بحكيلي برتاحش بس اصلي اخر اشي اصريت عليه وهيك دايما بقلي تعبان نفسي الله يكون معي المهم حكالي انو ما بقدر يصلي ..

ضليت ازن فوق راسو بلاخر اعترف انو هو والله مش عارف كيف احكيها بس قال ما في يوم بكون مؤهل انو يصلي لانو بدخل ع مواقع مش منيحة . وانو أدمن عليها .. وما بمر عليه يوم بكون مش عامل هيك .. حكالي انا عم اخسر في حالي عم اذبح بحالي

انا ما عاد اتطلع الو انو شخص ممكن اتزوجو بس هو كتير غالي ع قلبي وهو بدو يتوب وانا بقدر اأثر فيي بس مش عارفة شو الطريقة

هو طيب وفي خير طول ما انا معو عمرو ما قلل ادب معي او حكا كلام برا الطريق او طلبني شي ليش هيك بعمل ما بعرف ..

انا كثير حاولت اختار كلمات مناسبة بتمنى تكون وصلت رسالتي ومش قادر اوضح كثير .

أتمنى الاقي حل ومشكورين ....