قصة طموح

زاد الاردن الاخباري -

اولا السلام عليكم ورحمة الله وبركاته  …

انا شب عمري 25 سنة طموح ل أبعد حد نفسي اتعلم كل شي واعرف كل شي بس المشكلة اني ما نجحت في الثانوية العامة لأسباب كثيرة مع العلم اني بعتبر حالي عصامي من ناحية الدراسة بس عند التوجيهي تعرفت ع ناس جداد وصحاب جداد ونسيت التوجيهي ودراسته المهم اني اخدت دورة كمبيوتر واشتغلت على اساسها ف مكتب خاص لمدة اربع سنين وتركت بعديها مشان اسجل ف دورة كثير بحبها وعندي موهبة فيها وهي التصميم الجرافيكي والهندسي والتلفزيوني وتصميم صفحات الويب لمدة سنة في احدى الجامعات ولما خلصت اتاملت اتوظف في اي شركة اعلان او هندسة بس مار صار هالشي لانه ما معي خبرة والي مخلص الدورة سنة وما الي مشتغل الا شهرين في مكتب حج وعمرة وانا بصراحة قرفان الشغل الخاص لانه بمص الدم وبزيد الهم وانت مسكر التم حاولت اتوظف في شركات حكومية بس الواسطة هي المحركة هالايام مو الشهادات وواسطة للاسف ما عندي فانا همي الان انه اتثبت باي وظيفة مو شغل خاص ..

ومو عارف شو الحل لانه بدي شي استمر في مو وظيفة باي لحظة بحكولك روح روح والعمر بمر وان شاء الله اكون وصلت مشكلتي وهمي وان شاء الله يصلني الحل من زوار افضل موقع على شبكة الانترنت ....