فاجأني بقراره

زاد الاردن الاخباري -

السلام عليكم ...

انا عمري 22 سنة و تخرجت من الجامعة جديد قبل ما اتخرج بسنة كان فيه شب بييجي يزور صحاب الو بالجامعة وكان يحاول يحكي معي و انا بالجامعة ما كنت اعطي عين لاي حدا يحكي معي لانو ما بحب يطلع عني اي كلمة هيك او هيك بس هاد الشب نيتو سليمة و فعلا اجا حكى معي و طلب رقم اهلي مني ..

و لما شفتو مع اهلو عنا حسيت اني كتير بحبو وحسيت قديه الله بحبني و اعطاني على قد نيتي و قعدنا قبل قرائة الفاتحة و حكينا ..

 

المشكلة عرفت انو مو ساكن بعمان و ساكن بمحافظة بعيدة كتير و هوه حكالي انو ما رح نسكن فيها و انا وافقت على هادا الاساس و قرأنا الفاتحة و المشكلة انو بعد ما قرأنا الفاتحة صار يقنعني انو نعيش بهديك المحافظة مع اهلو بنفس البيت اولها  بس انا ما بقدر اسكن هناك و مع اهلو كمان  و هوه ما حكالي قبل قرائة الفاتحة..  و على هادا الاساس تركنا بعضو هوه لهلئ بحكي معي و بحاول يقنعني  و بعرف منكم بحكو انو لو بتحبيه كان و كان .. بس الحب مو كلشي و خصوصا لما الوحدة تفكر بعقلها انو ما رح تزبط الامور ..

 

انا اسفة انو طولت عليكم بس مو عارفة ارجعلو و انا متأكدة انو رح نتطلق ؟

 

بليز احكولي و خصوصا الي تزوجو من برا عمان طلعو منها ..