حورية فرغلي تنهار على الهواء: 21 عاما بدون حب (فيديو)

17-09-2023 01:17 PM

زاد الاردن الاخباري -

- فاجأت الفنانة المصرية حورية فرغلي جمهورها ومحبيها وفتحت خزانة أسرارها وكشفت العديد من الخفايا عن حياتها الشخصية في أحدث ظهور إعلامي.
وقالت حورية، خلال استضافتها في برنامج تامر شلتوت "في العمق"، إنها ترتبط بالعديد من الذكريات مع خطيبها الراحل رغم مرور 21 عامًا على وفاته، وكشفت أنها لم تستطع أن تمحو هذا الحب أو ترتبط برجل غيره، معتبرة أنها لم تعش الحب غير مرة واحدة معه قبل 21 عاما.
وكشفت أنه كان يعاني من بعض الظروف الصحية إذ كان وزنه 175 كيلو ولديه مشكلة في ساقه اليسرى ورغم ذلك كانت تراه أجمل الرجال في عيونها، مضيفة: "الناس كلها كانت تقول إيه الجنان ده، لكن مكنتش ببص لكلامهم بصيت لقلبه واللي جواه".
وأكملت حديثها بحزن عن خطيبها الراحل: "من ساعة ما مات وأنا مش لاقية حد غيره، أنا شُفت الحب مرة واحدة في حياتي مع خطيبي اللي توفى ومن بعده محبتش حد تاني، كفاية أني سامعة صوته، كفاية وجوده في المكان ريحة برفانه".
وتابعت وهي تبكي: "قضينا سنتين سوا متخانقناش مرة، بدور على حبه مش لاقية، ساعات بقول لنفسي أنا شُفت الحب ده كله ليه لما في الآخر هيتاخد مني، لكن ربنا اللي عايز كدة".
وتطرقت حورية لموضوع الارتباط وطبيعة من يتقدمون لخطبتها، قائلة: "من بعد وفاته مرتبطش بحد ولا حد اتقدم لي، مش عارفة ليه، بتحب كتير بس بتصدم لما أعرف السن"، وضربت مثالا: "في شاب بعت لي رسالة طويلة يعبر فيها عن حبه لي، قلت له أنت عندك كام سنة، قالي 22 سنة قُلت له انت قولي يا طنط".
وخلال الحوار، كشفت الفنانة أنها لا تخرج من منزلها ولا يوجد لديها صداقات وتعشق الحيوانات والعيش بمفردها، قائلة: "معنديش صحاب ومبخرجش خالص، مبخرجش مع الناس لان محدش بيعزمني على حاجة".
وتابعت: "وبحب الحيوانات جدًا، كان عندي 13 كلب دلوقتي بقا 1، وعندي 8 أحصنة، واتعودت أعيش لوحدي وبراحتي، بيتهيألي لو اتجوزت مش هستحمل حد ينام جمبي على السرير، كمان هيبقى في مشكلة، لأني بحب أمشي في شقتي براحتي واجري مع الكلاب، مش شرط كل يوم ميكب وشعر ورموش، أنا باكل ضوافري أصلا".
وتطرقت حورية لطفولتها، موضحة أنها مرت بمرحلة طفولة قاسية بعد انفصال والديها خلال 48 ساعة فقط من ولادتها ما اثر عليها بشكل كبير، مضيفة: "طفولتي كانت صعبة وهي أكتر حاجة عايزة أنساها لأني أتحرمت من الطفولة والمراهقة".
وكشفت: "الدادة بتاعتي كانت أحن واحدة عليّ، كانت فلبينية وقعدت معايا لحد ما بقى عندها 73 سنة وماتت، كنت بقولها ياتيتا، زوج ماما كان حنين عليّ، وزوجة بابا ماتت في غارة من غارات العراق، ورأسها طارت قدام عيالها ماتت موتة صعبة".