تابع أخر وصلات (الردح) بين حمو بيكا وعمر كمال

تابع أخر وصلات (الردح) بين حمو بيكا وعمر كمال

زاد الاردن الاخباري -

تطور تراشق الاتهامات بين مطربي المهرجات حمو بيكا وعمر كمال من خلال تقاذف الاتهامات عبر وسائل التواصل الاجتماعي والتي وصلت حدها.

بدأت بنشر حمو بيكا عبر صفحته الشخصية لتطبيق تبادل الصور والفيديو (أنستجرام) صورة مهاجماً فيها عمر كمال وعلق عليها كالتالي :

وخرج في بث مباشر وعلق: "..أنا مش بعمل كده من فراغ، أنا مش باجي على حد، بس أنا كنت فاكر إن عمر غلبان وطيب بس طلعت شخصية أنانية مبتحبش غير الفلوس، الناس دي طلعت على كتفي وانا ساكت علشان أنا طيب وبحب الخير لكل الناس، بس هما طلعوا صحاب مزيفين".

وتابع بيكا: "الراجل ده ورطني في شغل واتهرب مني، مهرجان فستان فرح، خلاني خدت العربون من الناس وبتصل بيه مبيردش عليا، ورجعت العربون للناس، أنا كنت جدع معاك، ومهرجان أنتي معلمة أنا هقفلهولك يا عمر يا كمال".

وعبر بيكا عن غضبه من الأصدقاء المزيفين الذين ندم على معرفتهم، مؤكدا أن عمر كمال شخص لا يهمه سوى جمع الأموال، رغم أنه أكثر نجومية منه، كما هدده "بيكا"، مؤكدًا إنه سيحذف مهرجان "أنتي معلمة" من يوتيوب كونه يملك الحق في ذلك لأنه مشارك في غنائه، واختتم حديثه قائلًا: "خلاص أنا مورايش غيرك".

ليرد عمر كمال بالخروج في بث مباشر عبر صفحته الشخصية لتطبيق تبادل الصور والفيديوهات (انستجرام) معلقا:" ..أنا تحملت كتير جدا إهانات بعض الناس، لكن أنا ممكن أطلع أقولك يا (أبوكرش) لكن كل ده كلام قلة أدب وقلة ذوق مليش فيه ومش بحب أقولها.."

وأضاف:" أنا أول أغنية اكسب منها علي قناتى كانت كانت أغنية (انتي معلمة) وكل الأغانى اللى قبل كده كنت بديها لحمو بيكا ولباقي الناس، عشان يرفعها على قناته ويكسب منها بما فيهم أغاني كانت من إنتاجى أنا، والله مكنتش باخد فلوسهم لأنى بكسب من زمان وسيبتك تاكل عيش.."

وأوضح سبب الخلاف قائلا :" الشخص اللي بيتكلم عليا ده أول ما بينزل القاهرة بيجي على شقتى وواكلين عيش وملح مع بعض، اللي حصل إن وأنا قاعد عند الحلاق بتاعي ومعايا حمو فوجئت إنه جايب واحد صاحب سنتر بتاع فساتين وعايزنا نعمله إعلان من غير ما ياخد إذنى، وأنا اتحرجت أرفض قدام الراجل، بس أنا مش عايز اعمل مهرجان لبوتيك فساتين أفراح، أنا عايز اعمل فن كويس زى بنت الجيران وعود البطل وكل مهرجاناتى، وحتى بعد الاتفاق ولا سألنى تاخد كام، على عكس ما بعمل معاه في أى فرح حد بيطلبه فيه". 

  

---