يحدث في الأردن ... تكاليف الخطبة تعيد السمع لطفل أردني

يحدث في الأردن .. تكاليف الخطبة تعيد السمع لطفل أردني

زاد الاردن الاخباري -

قرر شاب أردني وخطيبته، تخطي حاجز عادات وتقاليد الزواج في الأردن، من حيث تكاليفها المرتفعة.

وأعلن الشاب عبدالله الشمالي، استغلال تكاليف حفل الخطبة، بإعادة الأمل لطفل فاقد لحاسة السمع، من خلال تركيب قوقعة.

وكتب الشمالي عبر صفحته على "فيس بوك"، "قبل اسبوعين لظروف طارئة خارجة عن إرادتنا ، تم الغاء حفل خطوبتي، قررت بالاتفاق مع خطيبتي إيمان ندعم ونساهم في علاج الطفل (خ) 9 سنوات واللي كان بعاني من فقدان حاسة السمع منذ الطفولة! لحتى يرجع يعيش باقي حياته بالشكل الطبيعي مثل باقي أطفال العالم".

وأضاف، "واليوم تمت عمليته بنجاح بتركيب قوقعة بفضل الله ، رح يقدر من خلالها يسمع ويحكي مع كل الناس طول عمره، بالحقيقة ترددت كثير في نشر مثل هيك خبر لعدة أسباب، لكن اللي حفزني اني حبيت أنشر الرسالة والهدف منها، لأنه العادات والتقاليد المزعجة في بلادنا، والفلوس اللي بندفعهم لحتى نفرح أو نمثل فيهم (بساعتين) كانوا بطريقة ما، جزء بسيط لتحقيق #حلم_طفل لحتى يعيش (سنواته) القادمة بسعادة".

ولاقى منشور الشمالي، تفاعلا كبيرا من قبل النشطاء، مشيدين باللفتة الإنسانية التي أقدم عليها بشراكة خطيبته.