أحبـها ولكن .. ؟!

زاد الاردن الاخباري -

انا حابب اعرض مشكلتي عليكم لاستفيد من النصائح  التي تقدمونها لي ...

 

 انا شاب ابلغ من العمر 24 عاما احب قريبة لي واريد ان ارتبط بها وان اعمل في شركة ووضعي جيد الحمد لله ولكن هنا تكمن المشكلة انها بتحكي مع شب والشب برضه قريب لي لكن الشب لا يعطيها امل وماله مستقبل هي بتعرف في اشي من داخلي اني بدياها لكن بتعمل حالها مش عارفة الي مساعدني شوي انه البنت عارفة في اي لحظة ممكن يتركها الشب ويروح يحكي مع غيرها والمهم في الموضوع انه اهلها لو تنطبق السما على الارض ما اعطوهاياه بس لويعرفو اهلها اني انا الي بدياها على طول بوافقو بس المشكلة في البنت ممكن تعارض مع اني والبنت علاقتنا بعض كتير حلوة  وقوية  بتعتبرني زي اخوها وحكتلي في اي لحظة ممكن ييجيني اي عريس واخده ..

 

وهي الي حكتلي عن قصتها مع الشب وكانت في الاول تقولي قبل ما اعرف اي اشي عنهم انا ولا شب بدخل كيفي وكانت شايفة حالها بس هلا عادي زي كل البنات حاب اعرف منكم ايش ممكن اعمل  اي خطوة في الموضوع بدون مايصير اي مشاكل ممكن اهلي يكون معارضين اولها بس من ناحية اهلي انا بعرف كيف اقنعهم بالموضوع واهلها بحبوني كتير من ناحية تانية زي ما قلت ما بدي يصير اي مشاكل لانه الوضع حساس كتير ..

 

 يمكن طولت عليكم وموضوعي مش كتير مهم بس ارجوكم توخدو بعين الاعتبار لانه كتير مرات بتدايق علشان مش عارف اعمل اي خطوة للامام نظرا لانه قرايب والموضوع حساس بشكر اي حد بقدملي اي نصيحة ..

 

وشكرا الكم ولزاد الاردن     ..