مشكلتي .. صديقي !!

زاد الاردن الاخباري -

مرحبا ,,
مشكلتي شخصيه شوي ,,
اول اشي انا شب عمري 25 سنه
ومشكلتي انو عندي صديق بعرفه من 6 سنوات و صحبتنا الى ابعد الحدود طبعا هو اصغر مني ب 4 سنوات ..
 
بس من سنه بدأت هاي الصحبه تخف وهذا سببلي ألم وأرق مش طبيعي و السبب انو انا بظل انصحوا يعني أغلب الشباب بيحبو يطلعو مع بنات و طش و أشياء اكبر من هيك مشروب و الخ ..

 وانا الحمد الله ماعندي هاي الاشياء و ع هاد الاساس كنت بحاول اني دايمن اخليه يبعد عن هاي الاشياء .. بس مرات كان يخبي علي و لأن وضعه المادي مش ب زياده و انا بشتغل ف بديت اساعده كل ما احس انو بحاجه  (بطاقات شحن , ع اواعي او مصاري ) .

بس حسيت  انو صار ماشي معي مصلحه بس انا بحكي عادي لانو الولد بعز علي و وصلت معي لحد حب هاد الانسان ..

مشكلتي انو اخر فتره تمشكلت معو اكتر من مره لانو بحاول يتهرب مني و ما بسأل الا لما يكون بدو شغله , و مره اجاني يطلب انو كل واحد يروح من طريق , و بهدها اجاني يعتذر ع اساس انو سمع عني حكي و في شخص وقع بينا .. طبعا لما يصير بينا اشي او صار معو اشي انا بتلاقيني مشغول فيه , بس هو بيكون ولا ع باله

طبعا هسى انا محتار كيف اعامله لانو هو عقليته عقليه ولد صغير رغم عمره  21 سنه وبحكي هاد نصيبي ب صاحب زي هيك ..