ارشدوني .. !!

زاد الاردن الاخباري -

اول شي صباح الخير لاحلى معليقين في زاد ..

 

وتاني شي حاب اطرح مشكلتي عليكم بالبداية الصلاه على النبي وبعدين قصتي بتبدي بأني ساعدت شب كان واقع في مشكلة وكانت المشكلة بتحكي انه حب بنت وتخلت عنه وانا ساعته ووقفت معه لحتى قدر ينسى البنت الي بعدت عنه بس المشكلة اتحولت علي انا انه الشب حبني وحبيته من كل قلبي وانا والله العظيم صادقه بكل كلمة بحكيها الشب اتعرف علي وحكينا مع بعض والنا فتره بس المصيبه انه بهاي الفتره سافر وحكالي انه راح يحاكيني اول ما يوصل وانا مع اني كنت ابعتلوا ايميلات لاني ما بعرف رقم تلفونه الخارجي بس كان يرد بين حين وحين وبعد عني وكانت الحجه انه في مشاكل بالشغل وانا مو عارفه شو اعمل المهم ما حكى ولا حتى طمني عنه بعديها بفتره اجى على الاردن وبالصدفه برن على تلفونه الاردني برن وحكيت معه بس ما اهتم وحكالي بس افضى برن عليكي والوا اكتر من 5 ايام ما فضي انا محتاره مع انه كان اديب معي وما غلط بالعكس كان محترم بس ما بعرف ليش هيك اتصرف معقوله عن جد زي ما بحكي في مشاكل بالشغل انا محتاره ومش عارف شو اعمل مع اني بعتت مسج اله انه اذا ما بدو يكمل الي بينا يحكيلي ويشهد ربي ما راح ازعل بالعكس بكون اخذت درس من الدنيا بس هو ما رد ...

 

انا مش عارف شو اعمل استناه ولا اتركه مع انه هو هسه موجود هون بالاردن عارفه راح تحكولي كل القصص متل بعض بس هو كان بدايت العلاقه فتح معي موضوع الجيزه هاي كانت البدايه ومن سافر ما حكاني الا مرتين راسلني على الاميل انا محتاره مشان هيك راسلتكم وعرضت قصتي لحتى تعطوني الحل المناسب ...

 

 

ارجوكم لاني فعلا اتعبت...