حائرة اريد حلا

زاد الاردن الاخباري -

انا بنت عمري 23 اتخرجت من الجامعة جديد اتعرفت على شب بالجامعة قبل سنتين هو مش من الاردن وبيروح عند اهله في الاجازات شب متميز في تعليمه وطموح باول علاقتنا كنا نحكي عالفيس بوك وكنا نعرف بعض بالشكل واتفقنا انه بس نكون اصدقاء وما تتعدى علاقتنا اكتر من هيك لانه احنا من بلدين مختلفين بس الظروف صارت غير هيك ومع الايام حبينا بعض كتير وكنا كل الوقت بالجامعة مع بعض واتخرجنا وبس اجو اهله على تخريجه عرفني عليهم وحبوني وحبيتهم واتفقنا انه بس يخلص امتحاناته ببلده ييجي يخطبني وحكيت لاهلي وعائلتي عنه ووافقو والكل صار بيعرف بس المشكله بلشت من اصحابه اللي كانو بيعرفو اني كنت بعلاقة قبل ما اعرفه بشب من الجامعه والكل بيعرف انه هاد الشب اجا خطبني بس اهلي ما وافقو وما صار نصيب وانفصلنا.. اصحابه صارو يحطو براسه انه كنت الي علاقة قبله وحكي الناس اللي بيعرفوعني ومن هالحكي.. مع انه والله من سنتين من اول ما عرفته حكيتله عن علاقتي كلشي بصراحه واتقبلها وما حكا شي بس لما سافر عند اهله واصحابه صار كل يوم يحكيلي انا بحبك وبدي اياكي بس هاد الموضوع مش عم يطلع من راسي بفكر فيه كتير .. ويجرحني كتير بالحكي وازعل فترة وما احكي معه وبعدين يرجع يتصل ويتأسف ويحكيلي انا غلطان اني حكيتلك هيك وانا ارجع لاني بحبه وبدي اكون معه بس حاسسته كتير متغير مش عارفه شو اعمل كرامتي ما بتسمحلي اضل معه لانه انا ما غلطت بعلاقتي بشب قبله علاقتي كانت واضحه واهلي عارفين واشي وصار من الماضي وانا نسيته وانا اثبتله في سنتين اني نسيته وكنت احسن وحده بكل الدنيا معه وهو في غربته وساعدته بكل شي بقدر عليه وكل الناس اللي بعرفوه كانو يحكوله عمرك ما رح تلاقي وحده تحبك هيك.. بس وبنفس الوقت مش عارفه اتركه واكمل حياتي بعده مع شخص تاني مع انه بحكيلي بخاف ما تقدري تيجي تعيشي ببلدي وخايف لا اظلمك معي وتستنيني ومرات بقول ظروفي هلأ صعبه بعد بدي وقت لأخطب مع انه وهو موجود هون كان يحكي انا ما بعيش مع غيرك ومن هالحكي هلأ وصارت جايتني اكتر من فرصة خطبه بس انا مش قادره اخطب واكمل حياتي خايفه لا يمر عمري هيك اسفه طولت عليكم ارجوكم ساعدوني وبدون تجريح