أصدقائي ..

زاد الاردن الاخباري -

السلام عليكم ,,, تواصلت معكم قبل فتره من خلال مشكلتي (( أصدقائي )) وللأمانه اني استفدت من نصائحكم و اخذت بها و شكرا جزيلا ... طبعا اللي انا عملتو اني حاولت اني ابعد عن هاي الفئه من الاصدقاء , و خصوصا عن الصديق اللي كنت اعتبره مثل اخوي حتى اني عملتلو بلوك بالايميل و الموبايل مش خوف بس أحترام له عشان ما تطلع مني كلمه تسئ له , حتى الاماكن اللي بروح عليها و بكون هو فيها حاولت اني اختصرها ...! بس قبل فتره قدر هذا الشب انو يلتقي في عن طريق شب أخر جمعنا مع بعض , و كان جاي يبرر شو اللي صار (( كيف انو قلب علي )) و انو هوا ما كان بدو يعمل هيك بس انو في ناس (( شب تاني )) هوا حكى له يعمل هيك بس هوا ما كان متوقع انو تصل لهيك !!! طبعا انا التزمت الصمت و حكيت انو ما في اشي و انا مش زعلان بس اللي انكسر عمره ما بتصلح , وانا عادي مش زعلان لانك انت بدك هيك !!! ( يعني ما فتحتله مجال ) , طبعا هو حكى للشب اللي جمعنا انو عمل الللي عليه بس انو انا ما بدي ,,, و بعد اقل من اسبوع انا ما رنيت عليه حتى هو ما حاول انو يرن , و انا ضليت زي ما انا بس كمان مره انصدمت انو رايح ع الشب اللي حكاله يعمل كل هاد و حكاله انو احنا اللي جبرناه و نسقنا عشان نصالحه ,, هون انا ما عرفت شو بدي اعمل !! وكمتن مره التزمت الصمت , حتى مبارح قدر انو يمسكني ع النت من ايميل اخوه , وبدأ يحكي كأنو ما في اشي وعلى كيفك شو عامل ... حتى وصلنا للموضوع فسألته ليش عملت هيك ؟ و رجع نفس النقاس فانا حكيت انو انا شكلي ما تعلمت , حتى هو حكى انو ما تعلم ع اساس انو انا غلطان معو رغم اني طول الفتره اللي بعدت عنو ما جبت سيرتو الا بالخير و غير كلمه الله يهديه والله ماطلع مني ,, بينما هو ما قصر و من كل الالوان ؟؟؟ الغريب بالموضوع انو الشب اللي كان سبب بكل هاظ الموضوع عزمني ع الفطور ب اول اسبو برمضان ع اساس انو ماعمل اشي طبعا انا روحت لانو ما بقدر احتراما للشباب اللي كانو معزومين معي بس بعدها حاولت واختصرتو .. صاحبي ما رجع اللي الا لما عرف اني انعزمت عند الشب !!!!! اسف ع الاطاله ,, بس بتمنى انكم تفيدوني بردودكم متل اول مره لاني جد استفدت