مضت الايام والسنة تلو الاخرى وهو على هذا الحال  ازدادت الديون عليه كثيرا لما ياخذه من قروض ويقوم بالسداد  يعني فكرة بناء بيت صارت شبه مستحيلة،،،،المشكلة مش هون المشكلة انه امي ما الها كلمة بوجود اخوي امي مرة ضعيفة وكبيرة بالعمر وكتير بتختصر مشاكل مع مرت اخوي

صرنا كل يوم مشكلة يا مع اخوي يا مع مرته،،،، اخوي بيدخل كتير فينا ،،،بعرف من حقه بس مش لهاي الدرجة

 

ما بيحترم لا ام ولا اخ ولا اخت وكانه اجا عشان يحتل البيت ،،،،انا بس سكن بالبيت حكالي اتحملوني فترة ،،، حكينا فترة مش مشكلة اذا بتنحل اموره،،، بس للاسف اموره للاسوا،،،مرته مرات منيحة بس بتشتغل من تحت لتحت يعني قوية بالعقل ،،، قدام جوزها بدللنا دلال مو طبيعي وبداافع عنا،،،وبس تكون معه لحالهم بضل تعبي براسه ،،،على امك حكت اختك عملت،،،للعلم والله العظيم انه نحن ما بندخل فيها بالمرة يعني عراحتها تاركينها بس هي زادتها،،،المشكلة هلا انه انا البنت الي بشتغل بالبيت،،،هم يمكن 7 افراد وانا وامي بس،،،ومع هيك بيخلوني ادفع الكهربا عالنص،،،والمي عالنص،،،واكل وشرب عالنص،،،مع العلم انه انا بعرف ما بيطلع انه ادفع النص،،،كونهم هم العدد الاكبر

 

واذا ما برضى ادفع او اعند اخوي بيصير يهددني انه يخليني اترك الشغل،،،، ،،،للعلم بناته بيشتغلو،،،بس لما اساله هي بناتك بيشتغلو بيحكيلي بناتي بيدفعوا بالبيت وبيساعدو بالقروض،،،وهو بيعرف انه شغلي نقطة ضعفي الوحيدة،،،يا بصير بده يطلعني من غرفتي الخاصة بحجة انه عنده اولاد شباب وانتي نامي مع البنات،،، انا مش مسكينة ولا هبلة بس انا بوازن الامور يعني بحاول اختصر قد ما كان عشان  امي لانه قبل فترة زعلت منهم بس امي كتومة يعني ما بتظهر زعلها وانجلطت ودخلت المستشفى،،،وانا ما الي الا امي،،،لانه اخوي كتير قاسي،،،ما بعتبره اخ،،،هو انسان مادي،،،كل ما اعطيتي مصاري اكتر بيحترمك اكتر،،،،والعكس صحيح

 

هلا مرت اخوي لما تصير بينا وبينها مشكلة بتتحجج انها ارتمت ومرضت وبضل هيك لفترة طويلة ومين ما يشوفها،،،بيحزن عليها وبيطلع الحق علينا،،،يعني ممثلة بارعة،،،

 

هلا انا بحكي لامي انه خلص خلينا نتركلهم البيت ونطلع بس امي بتحكيلي هم الي اجو يعني هم الي لازم يطلعو،،،بحكيلها كلامك صح طيب احكيلهم يطلعو من البيت ،،،هون امي ما عندها كلمة لانها بتحسب 100حساب لاخوي

 

انا وصلت لحالة نفسية انه بدي اطلع من البيت واتركهم وما اخلي حدا يعرف مكاني وهاي الفكرة مسيطرة علي كتير،،،بس مو كاسر ضهري غير امي

 

احكولي شو اعمل مشان الله انا تعبانة من هالوضع بالبيت